বিজেপিৰ তৃতীয় পৰ্য্যায়ৰ প্ৰাৰ্থী তালিকা প্ৰকাশ; কোনে ক’ত পালে প্ৰাৰ্থিত্ব?

বিজেপিয়ে তৃতীয় পৰ্য্যায়ৰ তালিকা প্ৰকাশ কৰি উলিয়াইছে।

তালিকা অনুসৰি দিচপুৰ সমষ্টিত বিদ্ৰোহী বিধায়ক অতুল বৰা, পূৱ গুৱাহাটী সমষ্টিত সিদ্ধাৰ্থ ভট্টাচাৰ্য্য, হাজোত সুমন হৰিপ্ৰিয়া, বৰক্ষেত্ৰীত নাৰায়ণ ডেকা, ধৰ্মপুৰত চন্দ্ৰমোহন পাটোৱাৰীক প্ৰাৰ্থিত্ব প্ৰদান কৰিছে।

ৰাজ্যিক নেতৃত্বই কেন্দ্ৰীয় নেতৃত্বৰ সৈতে আলোচনা কৰি ১৯ আসনৰ ভিতৰত ১৫খন আসনৰ প্ৰাৰ্থী চূড়ান্ত কৰে যদিও বাকী চাৰিখন আসনৰ ক্ষেত্ৰত দলৰ নিৰ্বাচনী সমিতিক সিদ্ধান্ত লোৱাৰ বাবে এৰি দিয়া বুলি জানিব পৰা গৈছে।

এই চাৰিটা সমষ্টিত পূৰ্বৰ মুখেই দেখা গ’ল।

কিয়নো হোজাইৰ বিধায়ক শিলাদিত্য দেবকে ধৰি ১১ বিধায়কৰ টিকট কটাৰ পাছত বিদ্ৰোহৰ উকমুকনি দেখা গৈছিল ৰাজ্যিক বিজেপিত।

সেয়েহে পুনৰ নতুন বিপদ নচপাবলৈ পুৰ্বৰ বিধায়কৰ ৰিপোৰ্ট কাৰ্ড বেয়া হোৱা স্বত্বেও তেওঁলোককে পুনৰ টিকট প্ৰদান কৰিলে ৰাজ্যিক বিজেপিয়ে।

অন্য ১৩ টা সমষ্টিৰ দক্ষিণ শালমৰাত আচাদুল ইছলাম, ধুবুৰী ড০ দেবাময় স্যানাল, গোলকগঞ্জত অশ্বিনী ৰায় চৰকাৰ, বিলাসীপাৰা পশ্চিমত ড০ আবু বক্কৰ চিদ্দিক, বিলাসীপাৰা পূৱ অশোক সিংঘী, বিজনীৰ অজয় কুমাৰ ৰয়, দুধনৈত শ্যামজিত ৰাভা, জলেশ্বৰত ওচমান গনি, সৰভোগত শংকৰ চন্দ্ৰ দাস, জনিয়াত ড০ চহিদুল ইছলাম, বাঘবৰত হচিনৰা খাতুন, পলাশবাৰীত হেমাংগ ঠাকুৰীয়াই প্ৰাৰ্থিত্ব লাভ কৰিছে।