বিজেপি বিধায়ক অশোক সিংঘলে পাতিলে বিহু পূজা; ছচিয়েল মিডিয়াৰ প’ষ্টকলৈ প্ৰতিক্ৰিয়া
ঢেকিয়াজুলিৰ বিজেপি বিধায়ক অশোক সিংঘলে বিহু পূজা পতাৰ এটি প’ষ্ট ফটোসহ শ্বেয়াৰ কৰাৰ পাছত বিষয়টোকলৈ প্রতিক্রিয়াৰ সৃষ্টি হৈছে।
ছচিয়েল মিডিয়া টুইটাৰত বিজেপি বিধায়কগৰাকীয়ে কেইখনমান ফটো আপলোড কৰি বিহু পূজা পতা বুলি সদৰী কৰিছে।
বিধায়কগৰাকীয়ে প’ষ্টটোত লিখিছে:’’ঢেকিয়াজুলিৰ বিধায়ক সেৱা কেন্দ্ৰত লোকেশ আৰু বিবেক সিংঘলৰ সৈতে বিহু পূজা। প্ৰাৰ্থনা কৰিছো নতুন বছৰটোৱে অসমৰ জনসাধাৰণলৈ নতুন আশা আৰু প্ৰত্যয় কঢ়িয়াই আনিব। লগত সুস্বাস্থ্যৰ বাবেও প্ৰাৰ্থনা কৰিলো।‘’
বিজেপি বিধায়ক অশোক সিংঘলে বিহু আৰু পূজাক একাকাৰ কৰি যি বিহু পূজাৰ কথা প্ৰকাশ কৰিছে সেইটোৱে স্বাভাৱিকতে সচেতন অসমীয়া লোকৰ মাজত প্ৰতিক্ৰিয়াৰ সৃষ্টি কৰিছে।
Bihu Puja at MLA Seva Kendra, Dhekiajuli with Lokesh and vivek singhal.
Pray that New year will bring new hope and confidence to people of ASSAM.
Let’s also pray for healthy #INDIA #Bihu pic.twitter.com/ovHMrAu7Ar— Ashok Singhal (@TheAshokSinghal) April 14, 2020
অসমীয়াৰ বাপতি সাহোন ৰঙালী বিহুটি সমন্বয়ৰ তথা সম্প্ৰীতিৰ এক নিদৰ্শন আৰু অসমত জাতি-বৰ্ণ-ধৰ্ম নিৰ্বিশেষে ইয়াক উদযাপন কৰে।
এনেক্ষেত্ৰত বিধায়কগৰাকীয়ে বিহু পূজা বুলি অভিহিত কৰি ইয়াক সংকীৰ্ণ কৰি তোলা বুলি বহুতেই ক’ব খোজে।
আনহাতে, বিধায়ক সিংঘলে প’ষ্টটোৰ সৈতে আপলোড কৰা ফটোকেইখন বড়োসকলৰ বাথৌ পূজাৰ সৈতেহে মিল থকা দেখা গৈছে।
সেয়েহে, বিধায়কগৰাকীয়ে দৰাচলতে বিহু পূজাৰ দ্বাৰা কি বুজাব খুজিছে সেয়া অস্পষ্ট আৰু প্ৰকৃততে অসমৰ জাতীয় সংস্কৃতিৰ প্ৰতি তেওঁৰ সম্যক জ্ঞানৰ অভাৱকে সূচাইছে বুলি একাংশ সচেতন লোকে প্ৰতিক্ৰিয়া ব্যক্ত কৰিছে।