আৰু লাগে! বিলাসী গাড়ী, ডুবাই-লণ্ডনত ঘৰ, ১৪০০ কোটি টকাৰ সম্পত্তিৰ মালিক এইগৰাকী বিজেপি প্ৰাৰ্থী

ঘৰ-গাড়ী-টকা-সোণকে ধৰি মুঠ ১৪০০ কোটি টকাৰ সম্পত্তিৰ গৰাকী। হয়, আপুনি ঠিকেই শুনিছে, ১৪০০ কোটি টকা! লোকসভা নিৰ্বাচনত এইগৰাকী বিজেপি প্ৰাৰ্থীৰ সম্পত্তি ১৪০০ কোটি টকা। দক্ষিণ গোৱাৰ আসনৰ পৰা প্ৰতিদ্বন্দ্বিতা আগবঢ়াইছে পল্লৱী ডেম্পো নামৰ বিজেপি নেত্ৰীগৰাকীয়ে।

মঙলবাৰে পল্লৱীয়ে ৰিটাৰ্ণিং অফিচাৰৰ ওচৰত শপতনামা দাখিল কৰে। তাত পল্লৱীয়ে জনায় যে তেওঁ আৰু তেওঁৰ স্বামী শ্ৰীনিবাসৰ মুঠ সম্পত্তি হৈছে প্ৰায় ১৪০০ কোটি।

গোৱাৰ অন্যতম বৃহৎ উদ্যোগপতি শ্ৰীনিবাস ডেম্পো। ফুটবলৰ পৰা আৰম্ভ কৰি ৰিয়েল ইষ্টেট, জাহাজ নিৰ্মাণলৈকে তেওঁৰ একাধিক ব্যৱসায় আছে। পল্লৱীৰ শপতনামা অনুসৰি তেওঁৰ স্থাৱৰ সম্পত্তিৰ মূল্য ২৫৫.৪ কোটি আৰু শ্ৰীনিবাসৰ ৯৯৪.৮ কোটি টকা। আনহাতে পল্লৱীৰ স্থাৱৰ সম্পত্তিৰ বজাৰ মূল্য ২৮.২ কোটি। শ্ৰীনিবাস ডেম্পোৰ স্থাৱৰ সম্পত্তিৰ মূল্য ৮৩.২ কোটি।

লগতে পঢ়কঃ কোহলীয়েই মোৰ জীৱনৰ বিৰাট প্ৰেৰণা; জনালে অসামৰিক সেৱাৰ শীৰ্ষস্থানপ্ৰাপ্ত অনন্যাই

আটাইতকৈ উল্লেখযোগ্য কথাটো হ’ল গোৱাৰ বাহিৰেও দেশৰ বিভিন্ন প্ৰান্তত তেওঁলোকৰ সম্পত্তি আছে। ডুবাইৰ এটা অভিজাত এলেকাত তেওঁলোকৰ যৌথ মালিকানাধীন ফ্লেট আছে, যাৰ বজাৰ মূল্য ডেৰ-দুই কোটি টকা। ডেম্পো দম্পতীৰ লণ্ডনত এটা বিলাসী ঘৰো আছে, যাৰ বৰ্তমান বজাৰ মূল্য ১০ কোটি টকা।

পল্লৱীৰ সোণৰ প্ৰতিও বিশেষ মোহ আছে। এই তথ্য তেওঁৰ শপতনামাৰ পৰা ওলাইছে। তেওঁৰ মুঠ ৫.৭ কোটি টকাৰ সোণৰ গৰাকী৷ ২০২২-২৩ বিত্তীয় বৰ্ষত পল্লৱীয়ে ১০ কোটি টকাৰ আয়কৰ ৰিটাৰ্ণ দাখিল কৰে। শ্ৰীনিবাস ডেম্পোৰ ক্ষেত্ৰত সেই সংখ্যা ১১ কোটি। ৪৯ বছৰীয়া পল্লৱীয়ে পুনে বিশ্ববিদ্যালয়ৰ এম আই টিৰ পৰা বিজনেছ মেনেজমেণ্টত স্নাতকোত্তৰ ডিগ্ৰী লাভ কৰিছে।

লগতে পঢ়কঃ IPL 2024: দিল্লীৰ সন্মুখত অসহায় আত্মসমৰ্পণ গুজৰাটৰ! আহমেদাবাদত টাইটানছৰ বিৰুদ্ধে সহজ জয় কেপিটেলছৰ

উল্লেখ্য যে সমগ্ৰ দেশতে ৭টা পৰ্যায়ত অনুষ্ঠিত হ’বলৈ গৈ আছে লোকসভা নিৰ্বাচন। ১৯ এপ্ৰিলত প্ৰথম পৰ্যায়ৰ ভোটগ্ৰহণ অনুষ্ঠিত হ’ব। মুঠ ৪৩ দিন চলিব এই নিৰ্বাচনী প্ৰক্ৰিয়া। অহা ৪ জুনত ঘোষণা কৰা হ’ব নিৰ্বাচনৰ ফলাফল। দ্বিতীয় পৰ্যায়ত ২৬ এপ্ৰিলত, তৃতীয় পৰ্যায়ত ৭ মে’ত, চতুৰ্থ পৰ্যায়ত ১৩ মে’ত, পঞ্চম পৰ্যায়ত ২০ মে’ত, ষষ্ঠ পৰ্যায়ত ২৫ মে’ত আৰু সপ্তম পৰ্যায়ত ১ জুনত ভোটগ্ৰহণ  অনুষ্ঠিত হ’ব।