শ্বুটিং ছেটতে আহত বলীউদ তাৰকা টাইগাৰ শ্ৰফ; কেনেকৈ ঘটিল এই ঘটনা?

কিছুদিন ধৰি বলীউদৰ তাৰকা অভিনেতা টাইগাৰ শ্ৰফ ইংলেণ্ডতে আছে। দৰাচলতে দেশখনত টাইগাৰৰ ‘গণপত’ নামৰ নতুন ছবিৰ শ্বুটিং চলি আছে।

ছবিখনৰ শ্বুটিং চলি থকাৰ মাজতে চকুত আঘাত পাই আহত হয় টাইগাৰ শ্ৰফ। আহত টাইগাৰে তেওঁৰ এনে অৱস্থাৰ ছেলফি তুলি ইনষ্টাগ্ৰামত প’ষ্টো কৰিছে। অভিনেতাগৰাকীৰ চকু-মুখ ফুলি উঠা দেখা গৈছে। 

টাইগাৰৰ নতুন ছবিখনত টাইগাৰৰ বিপৰীতে তাৰকা অভিনেত্ৰী কৃতি স্যননে অভিনয় কৰিছে। ‘হিৰোপান্টি’ৰ পাছত পুনৰ এবাৰ দুয়ো এই ছবিখনত যুটী বান্ধিছে।

Also Read: পঞ্জাৱৰ আদালত চৌহদত বিস্ফোৰণ, দুজন নিহত

জানিব পৰা মতে, ‘গণপত’ত সম্পূৰ্ণ একশ্যনৰ ভূমিকাত দেখা যাব টাইগাৰক। এনে এক একশ্যনৰ দৃশ্যত অভিনয়ৰ সময়তে আহত হয় টাইগাৰ।

‘গণপত’ৰ পৰিচালনা বিকাশ বেহেলৰ। ছবিখন যৌথভাৱে প্ৰযোজনা কৰিছে বাসু ভগনানি, বিকাশ বেহেল, দীপশিখা দেশমুখ আৰু জেকি ভগনানিয়ে।

ইংলেণ্ডত ৱৰ্ক আউটৰ এটা ভিডিঅ’ও টাইগাৰে শ্বেয়াৰ কৰিছে। ইয়াৰ বাবে ছচিয়েল মিডিয়াত ট্ৰোলৰো সন্মুখীন হৈছে টাইগাৰ।

Also Read: অগ্নি-পিৰ পিছত ভাৰতে পৰীক্ষণ কৰিলে ঘৰুৱা প্ৰযুক্তিৰে নিৰ্মিত ‘প্ৰলয়’ মিছাইল

টাইগাৰৰ আঘাত বেছি গুৰুতৰ নহয় বুলি জানিব পৰা গৈছে আৰু চিকিৎসাৰ পাছত অভিনেতাগৰাকী প্ৰায় সুস্থ হৈ উঠিছে।