কৰ’নাত আক্ৰান্ত এইগৰাকী বলিউদৰ কণ্ঠশিল্পী; লণ্ডনৰ পৰা অহাৰ তথ্য লুকাই অংশ ল’লে অনুষ্ঠানত
সমগ্ৰ বিশ্বত কৰ’না ভাইৰাছে সংহাৰী ৰূপ ধাৰণ কৰাৰ মসয়ত বলিউদৰ কণ্ঠশিল্পী কনিকা কাপোৰ কৰ’না ভাইৰাছত আক্ৰান্ত হৈছে।
‘বেবী দোল’ খ্যাত কণ্ঠশিল্পী গৰাকী উত্তৰ প্ৰদেশত কৰ’না ভাইৰাছৰ দ্বাৰা আক্ৰান্ত চতুৰ্থ গৰাকী ব্যক্তি।
জানিব পৰা মতে, কণ্ঠশিল্পী গৰাকীয়ে দেওবাৰে ইংলেণ্ডৰ পৰা উভতি আহিছিল আৰু তেওঁৰ ভ্ৰমণৰ বিষয়ে বিভাগীয় কৰ্তৃপক্ষৰ পৰা লুকুৱাই ৰাখিছিল।
পৰৱৰ্তী সময়ত লক্ষ্নৌত কৰা পৰীক্ষাৰ সময়ত কনিকা কৰ’নাত আক্ৰান্ত হোৱা বুলি ধৰা পৰে।
তথ্যত প্ৰকাশ পোৱা অনুসৰি, কনিকাই এখন পঞ্চতাৰকা যুক্ত হোটেলত বাহৰ পাতিছিল আৰু অনুষ্ঠানত অংশগ্ৰহণ কৰিছিল য’ত ১০০ গৰাকীতকৈ অধিক অতিথিয়ে অংশগ্ৰহণ কৰিছিল।
এই সমগ্ৰ ঘটনা পোহৰলৈ অহাৰ পাছত এতিয়া সকলোৱে কণ্ঠশিল্পী গৰাকীক গৰিহনা দিয়া আৰম্ভ কৰিছে।
‘‘ভ্ৰমণৰ বিষয়ে বিভাগীয় কৰ্তৃপক্ষৰ পৰা লুকুৱাই গুৰুত্বহীনতাৰ পৰিছয় দিয়া কনিকা কাপুৰ তোমাক লৈ আমি লাজ পাইছো। লণ্ডনৰ পৰা উভতি আহি ১০০ গৰাকী লোকৰ উপস্থিতিত হোৱা পঞ্চতাৰকা হোটেলৰ অনুষ্ঠানত অংশগ্ৰহণৰ পাছত এতিয়া কৰ’নাত আক্ৰান্ত হোৱা নিশ্চিত হৈছে। নিজৰ লগতে তুমি আনৰ জীৱনকো ভয়াৱহতাৰ মাজলৈ ঠেলি দিলা,’’ চলচ্চিত্ৰ নিৰ্মাতা অশোক পণ্ডিতে টুইটাৰত এনেদৰে কণ্ঠশিল্পী গৰাকীক সমালোচনা কৰে।