মাৰ্ঘেৰিটা মহকুমাত বৌদ্ধ ধৰ্মাৱলম্বী লোকসকলৰ প্ৰবাৰণা উৎসৱ অতি উলহ মালহেৰে উদযাপন

মাৰ্ঘেৰিটা মহকুমাৰ ইনথেম মুংগং পথাৰ বৌদ্ধ বিহাৰত আজি বৌদ্ধ ধৰ্মাৱলম্বী লোকসকলে তিনি মাহ বৰষাবাস তিথিৰ অন্তত প্ৰবাৰণা উৎসৱ অনুষ্ঠিত কৰে।

ইয়াকে লৈ স্থানীয় বৌদ্ধ ধৰ্মাৱলম্বী লোকসকলে কল্পতৰু লৈ শুভাযাত্ৰা কৰাৰ লগতে পঞ্চশিল অস্তশিল গ্ৰহণ কৰি ভিক্ষু সংগক দান দক্ষিণা কৰে।

সন্ধিয়া সমূহীয়া বন্তি প্ৰজ্বলনেৰে চৌদিশ আলোকিত কৰি তোলে।

উল্লেখযোগ্য যে তিনি মাহ বৰষাবাস তিথিৰ অন্তত এই উৎসৱ পালন কৰা পৰম্পৰা চলি আহিছে।

আজিৰ প্ৰবাৰণা উৎসৱ উপলক্ষে অনুষ্ঠানটোত উপস্থিত থকা ৰাইজে নৃত্য গীত পৰিৱেশন কৰি আনন্দ প্ৰকাশ কৰে।

উল্লেখ্য যে সমগ্ৰ মাৰ্ঘেৰিটা মহকুমাৰ অন্তৰ্গত বৌদ্ধ ধৰ্মাৱলম্বী লোকসকলে নিজ নিজ অঞ্চলৰ বৌদ্ধ বিহাৰত আজি এই পৱিত্ৰ প্ৰবাৰণা উৎসৱ অতি উলহ মালহেৰে উদযাপন কৰা দেখা যায়।