আবকাৰী বিভাগৰ হানজাংলাংছোত থকা গুদামৰ পৰা ভাৰতত প্ৰস্তুত দেশীয় সুৰাৰ ১৫০০টা কাৰ্টন লুট
আবকাৰী বিভাগক অত্যন্ত অস্বস্তিত পেলাই এটা লুটপাতৰ ঘটনা সংঘটিত হ’ল খোদ আবকাৰী বিভাগৰ গুদামত। জানিব পৰা মতে বোকাজান আৰক্ষী থানাৰ অন্তৰ্গত হানজাংলাংছোত থকা আবকাৰী বিভাগে ব্যৱহাৰ কৰা এটা গুদামত জব্দ কৰা ভাৰতত প্ৰস্তুত বিদেশী সুৰা (IMFL) জমা কৰি ৰাখিছিল বিভাগটোৱে।
তাৎপৰ্যপূৰ্ণভাৱে গুদামটোত নাছিল কোনো চকীদাৰ। সূত্ৰৰ পৰা জানিব পৰা মতে এই চুৰি কাৰ্যত স্থানীয় লোক জড়িত থকাৰ সন্দেহ কৰিছে বিভাগটোৱে।
আবকাৰী বিভাগৰ সূত্ৰটোৱে জনোৱা মতে প্ৰায় ১৫০০ কাৰ্টন ভাৰতত প্ৰস্তুত বিদেশী সুৰা চুৰি কৰি লৈ যোৱা হৈছে। এই বেআইনীভাৱে সৰবৰাহ কৰা সুৰাখিনি বিভাগটোৱে বোকাজানৰ আশে পাশে জব্দ কৰিছিল।
উল্লেখ্য যে বোকাজানত অৰুণাচল আৰু খটখটীলৈকে দেশীয়ভাৱে প্ৰস্তুত বিদেশী সুৰা সৰবৰাহৰ এখন ৰমৰমীয়া বজাৰ আছে। অৰুণাচল আৰু খটখটীয়ে মদ নিষিদ্ধ নাগালেণ্ডৰ অভ্যস্ত মদ্যপায়ীসকললৈ মদৰ যোগান ধৰি আহিছে।
এই চুৰিৰ ঘটনা সন্দৰ্ভত ৬গৰাকী যুৱকক ধৰি অনা হৈছে আৰু তেওঁলোকক জেৰা কৰি থকা হৈছে।
You may also like
স্কুললৈ গৈ ‘ৰীলছ’ বনায় চৰকাৰী শিক্ষয়ত্ৰীয়ে; শিক্ষাৰ্থীয়ে কৰিব লাগে লাইক, কমেন্ট, শ্বেয়াৰ!
শিশুসকলে প্ৰতিদিনে বেগ, কিতাপ, বহী লৈ স্কুললৈ যায়। কিন্তু পঢ়া-শুনা কৰা নহয়। পঢ়াশুনা কৰাবনো কোনে? যিসকলে পঢ়ুৱাব লাগে তেওঁলোক যে আন কামত…
পাঠশালাৰ মাজমজিয়াত বিধ্বস্ত কাঠৰ দলঙেৰে বিপদসংকুল যাত্ৰা ছাত্ৰ- ছাত্ৰীৰ
অসম চৰকাৰে ৰাজ্যখনৰ সকলো বাট-পথ আৰু কাঠৰ দলং নিৰ্মাণৰ সিদ্ধান্ত গ্ৰহণ কৰাৰ সময়তে বজালী মহকুমাৰ সদৰ পাঠশালাৰ মাজমজিয়াত এখন বিধ্বস্ত কাঠৰ দলং…
পূৰ্বৰ নিৰ্দেশনা বাতিল: অসমৰ ৰে’ল ষ্টেছন, বিমান বন্দৰত অব্যাহত থাকিব যাত্ৰীৰ কোভিড পৰীক্ষা
ভবা হৈছিল ক’ৰ’ণাই হয়তো আমাৰ লগ এৰিবলৈ লৈছে। কিন্তু সেই আশাত চেঁচাপানী ঢালি শেহতীয়াকৈ দেশৰ বহু কেইখন ৰাজ্যত পুনৰ ক’ৰ’ণাই ভয়াৱহ ৰূপত…
ৰাতিয়ে বুৰ যাব পাৰে ডিব্ৰুগড়, তিব্বতৰ পৰা বিধ্বংসী ৰূপত নামিছে পানীৰ বিশাল ঢল
অতি শীঘ্ৰে এক বৃহৎ দুৰ্য্যোগৰ পিনে আগবাঢ়িছে অসম আৰু অৰুণাচল প্ৰদেশ। তিব্বতৰ য়াৰলুং চাংপ’ত সৃষ্টি হোৱা কৃত্ৰিম বান্ধটো শুকুৰবাৰে আবেলি ভাগি গৈছে…