বোৰ্খা টনা-টনিত অসমৰ দুই গৰিয়া মৰিয়া সংগঠন

বোৰ্খা নিষিদ্ধকৰণক লৈ টনা-আঁজোৰাত লিপ্ত হৈছে অসমৰ দুই গৰিয়া মৰিয়া জাতীয় সংগঠন।

সদৌ অসম গৰিয়া মৰিয়া দেশী জাতীয় পৰিষদৰ নেতা চাহিৰ ভূঞাই বোৰ্খা নিষিদ্ধকৰণৰ দাবী জনোৱাৰ পিছতে নেতাজনৰ লগতে সংগঠনটোক সমালোচনা কৰিছে সদৌ অসম গৰিয়া মৰিয়া যুৱ-ছাত্ৰ পৰিষদে।

নিজ ইচ্ছাৰে সাজ-পাৰ পৰিধানৰ ভাৰতীয় সংবিধান-প্ৰদত্ত অধিকাৰৰ ভিত্তিত যুৱ-ছাত্ৰ পৰিষদে আনটো সংগঠনক সমালোচনা কৰিছে।

“দেশৰ সংবিধানত সন্নিবিষ্ট মৌলিক অধিকাৰ সম্পৰ্কীয় দফা ২৫, ২৬, ২৭, ২৮ (পাৰ্ট ৩)ত স্পষ্টভাৱে যিকোনো লোকে ধৰ্মীয় অনুশীলন অব্যাহত ৰখাৰ অধিকাৰ নাগৰিকক প্ৰদান কৰা হৈছে,’’ সম্পাদক মইনুল হক স্বাক্ষৰিত পৰিষদৰ বিবৃতি।

সংগঠনটোৱে লগতে কয় যে ভূঞাৰ মন্তব্য “অসাংবিধানিক তথা বে-আইনী” আৰু ই গৰিয়া, মৰিয়া ইছলামধৰ্মী মহিলাৰ লগতে সামগ্ৰিকভাৱে ইছলামধৰ্মী সমাজখনৰ প্ৰতিয়ে চূড়ান্ত অপমান।

এই মন্তব্য পৰিহাৰ নকৰিলে গৰিয়া, মৰিয়া অধ্যুষিত অঞ্চলত তেওঁলোকক তীব্ৰ প্ৰত্যাহ্বান জনোৱা হ’ব বুলিও সংগঠনটোৱে ঘোষণা কৰিছে।