ঐতিহাসিক ক্ষণ : বগীবিল দলঙেৰে চলিবলগীয়া গোলাঘাট-জোনাই বাছসেৱা মুকলি
ডিব্ৰুগড় আৰু ধেমাজিক সংযোগ কৰা তথা দুয়োপাৰৰ দূৰত্ব কম কৰাৰ উদ্দেশ্যেৰে নিৰ্মাণ কৰা বগীবিল দলঙৰ ওপৰেৰে আজিৰ পৰা চলিব বাছ সেৱা। উত্তৰ আৰু দক্ষিণপাৰৰ মাজত সংযোগ স্থাপনৰ প্ৰতি লক্ষ্য ৰাখি ৰাজ্যিক পৰিবহণ নিগমে এই উল্লেখনীয় পদক্ষেপ গ্ৰহণ কৰিছে।
উল্লেখ্য যে মাথো কেইঘণ্টামান পাছতে প্ৰধান মন্ত্ৰী নৰেন্দ্ৰ মোদীয়ে আনুষ্ঠানিকভাৱে দেশবাসীৰ বাবে মুকলি কৰিব লগীয়া বহু প্ৰত্যাশিত বগীবিল দলঙেৰ ওপৰেৰে গোলাঘাটৰ পৰা জোনাইলৈ চলিব ৰাজ্যিক পৰিবহণ নিগমৰ বাছসেৱা।
ব্ৰহ্মপুত্ৰৰ দুয়োপাৰক সংযোগ কৰাৰ লক্ষ্যৰে নিৰ্মাণ কৰা বগীবিল দলঙেৰে চলিব লগা এই বাছ সেৱা আজি পুৱা আনুষ্ঠানিকভাৱে মুকলি কৰে বিশিষ্ট নিৱন্ধকাৰ অৰুণ গোস্বামী আৰু সাংবাদিক ৰোহিত গগৈয়ে। দলঙেৰে নিতৌ ৰাজ্যিক পৰিবহণ নিগমৰ বাছ সেৱা চলাচল কৰিব বুলি পৰবিহণ নিগমে জানিবলৈ দিয়ে।
বগীবিল দলং নিৰ্মাণ আৰু অসম ৰাজ্যিক পৰিবহণ নিগমে বাছসেৱা মুকলি কৰা কাৰ্যত দুয়োপাৰৰ লোক স্বাভাৱিকতে উৎফুল্লিত হৈ পৰা দেখা গৈছে। কিয়নো বগীবিল দলং নিৰ্মাণৰ পূৰ্বে দুয়োটা অঞ্চলৰ মাজত যোগাযোগৰ একমাত্ৰ মাধ্যম আছিল নাও তথা জাহাজ।
কিন্তু আজিৰ পৰা দুয়োটা অঞ্চলৰ লোকে ব্ৰহ্মপুত্ৰৰ ওপৰেৰে বিপদশংকুল যাত্ৰা কৰাৰ বিপৰীতে লাভ কৰিব বাছ তথা ৰে’ল সেৱা।
You may also like
“যদি চৰকাৰে সকলো জানেই, তেন্তে ন্যায়ালয়লৈ কিয় আহিছে”! কেন্দ্ৰক কটাক্ষ উচ্চতম ন্যায়ালয়ৰ
যদি চৰকাৰে সকলো জানেই, তেন্তে ন্যায়ালয়লৈ কিয় আহিছে? পঞ্জাৱত প্রধানমন্ত্ৰী মোদীয়ে সন্মুখিন হোৱা অনাহুত পৰিস্থিতিৰ বিষয়ে যদি বিজেপিয়ে সকলো জানেই, তেন্তে তদন্তকাৰী…
বিধায়ক শ্বেৰমান আলীক গ্ৰেপ্তাৰৰ বিৰুদ্ধে ‘বন্ধ’ ঘোষণা, মণ্ডল কংগ্ৰেছৰ সম্পাদকক বৰ্খাস্ত
শ্বহীদৰ বিৰুদ্ধে অপমানসূচক মন্তব্য কৰি গ্ৰেপ্তাৰ হোৱা বিধায়ক শ্বেৰমান আলীৰ উদ্ধাৰ অভিযানত নমা কংগ্ৰেছৰ এগৰাকী নেতাক দলৰ পৰা বৰ্খাস্ত কৰা হৈছে। শ্বেৰমান…
ৰাষ্ট্ৰীয় পৰ্যায়ৰ শ্বুটাৰক প্ৰদৰ্শনৰ মূল্যায়নৰ বাবে হোটেললৈ মাতি আনি ধৰ্ষণ, গ্ৰেপ্তাৰ প্ৰশিক্ষক
ৰাষ্ট্ৰীয় শ্বুটিং প্ৰশিক্ষকৰ বিৰুদ্ধে ৰাষ্ট্ৰীয় পৰ্যায়ৰ এগৰাকী ১৭ বছৰীয়া শ্বুটাৰক ধৰ্ষণৰ অভিযোগে তীব্ৰ চাঞ্চল্যৰ সৃষ্টি হৈছে। আৰক্ষীয়ে জনোৱা মতে, এই ঘটনাত ইতিমধ্যে…
কেন্দ্ৰীয় বিদ্যালয়ৰ ছাত্ৰৰ আত্মহত্যা : পঢ়া-শুনাৰ হেঁচা দিয়াৰ অভিযোগ
কালি এটা দুৰ্ভাগ্যজনক ঘটনাত গুৱাহাটীৰ ন মাইলত থকা চি আৰ পি এফৰ কেন্দ্ৰীয় বিদ্যালয়ৰ এজন একাদশ শ্ৰেণীৰ ছাত্ৰই আত্মহত্যা কৰাৰ খবৰ পোৱা…