চাঞ্চল্য! অভিনেত্ৰীক বলাৎকাৰৰ চেষ্টা চলাই গ্ৰেপ্তাৰ ব্যৱসায়ী

সংঘটিত হৈছে এক চাঞ্চল্যকৰ ঘটনা।

এগৰাকী জনপ্ৰিয় অভিনেত্ৰীক বলাৎকাৰৰ চেষ্টা চলাই আৰক্ষীৰ জালত পৰিবলগীয়া হ’ল এজন ব্যৱসায়ী।

বাংলাদেশৰ জনপ্ৰিয় অভিনেত্ৰী পৰীমণিক দেশ খনৰ ৰাজধানী ঢাকাৰ এটা ক্লাবত বলাৎকাৰৰ লগতে ধৰ্ষণৰ চেষ্টা চলাইছিল প্ৰতিষ্ঠিত ব্যৱসায়ী নাছিৰুদ্দিন মেহমুদে।

যোৱা নিশা অভিনেত্ৰী পৰীমণিয়ে ঢাকাৰ চাবাৰ আৰক্ষী থানাত দিয়া এজাহাৰৰ ভিত্তিত আৰক্ষীয়ে আজি ব্যৱসায়ীজনক আটক কৰে।

আৰক্ষীয়ে ব্যৱসায়ী জনৰ বিৰুদ্ধে এটাগোচৰ ৰুজু কৰা বুলি জানিব পৰা গৈছে।বাংলাদেশৰ মহিলা আৰু শিশুৰ বিৰুদ্ধে নিৰ্যাতন প্ৰতিৰোধী আইনৰ ৩০৭ ধাৰাত এই গোচৰ ৰুজু কৰা হৈছে।

উল্লেখ্য চামচুন্নহাৰ স্মৃতি নামৰ অভিনেত্ৰীগৰাকী বাংলাদেশত পৰীমণি নামেৰে বেছ জনপ্ৰিয় অভিনেত্ৰী।

ছ’চিয়েল মিডিয়াৰ আটাইতকৈ প্ৰভাৱশালী মহিলা হিচাবে অলপতে পৰীমণিৰ নাম ফ’ৰ্বছৰ তালিকাতো প্ৰকাশ পাইছে।
অভিনেত্ৰীগৰাকীয়ে অভিযোগ কৰা অনুসৰি ৯ জুনৰ নিশা ঢাকাৰ উত্তৰাবোট ক্লাবত তেওঁক ব্যৱসায়ীজনে বলাৎকাৰ আৰু হত্যাৰ চেষ্টা চলাইছিল।

অৱশ্যে অভিনেত্ৰীগৰাকীয়ে চিঞৰ বাখৰ কৰাত ক্লাবৰ কৰ্মীয়ে তেওঁক ৰক্ষা কৰে।ব্যৱসায়ীজনে তেওঁক হত্যাৰ চেষ্টা চলোৱা বুলিও অভিনেত্ৰী পৰীমণিয়ে ফেচবুক পোষ্টৰ জৰিয়তে প্ৰকাশ কৰিছে।

তেওঁ জীৱনৰ নিৰাপত্তা সুনিশ্চিত কৰিবলৈ বাংলাদেশৰ প্ৰধানমন্ত্ৰী শ্বেখ হাছিনাক অনুৰোধ জনাইছে।