কানাডাৰ উপ-প্ৰধানমন্ত্ৰী পদৰ পৰা ক্ৰিষ্টিয়া ফ্ৰীলেণ্ডৰ পদত্যাগ

কানাডিয়ান ৰাজনীতিত বৃহৎ পৰিৱৰ্তন। কানাডাৰ উপ-প্ৰধানমন্ত্ৰী পদৰ পৰা পদত্যাগ ক্ৰীষ্টিয়া ফ্ৰীলেণ্ডৰ। প্ৰধানমন্ত্ৰী জাষ্টিন ট্ৰুডোৰ সৈতে হোৱা মতানৈক্যৰ ফলশ্ৰুতিত এই পদত্যাগৰ সিদ্ধান্ত লোৱা বুলি জানিব পৰা গৈছে। তদুপৰি কানাডাৰ বিত্তমন্ত্ৰী পদৰ পৰাও পদত্যাগ কৰিছে ফ্ৰীলেণ্ডে।

ঘটনা অনুসৰি আমেৰিকাৰ নৱ নিৰ্বাচিত ৰাষ্টপতি ড’নাল্ড ট্ৰাম্পৰ নীতিত সহমত প্ৰকাশ কৰিছিল জাষ্টিন ট্ৰুডো-এ। কানাডাৰ আমদানিৰ ওপৰত ট্ৰাম্পৰ ২৫ শতাংশ কৰ আৰোপ কৰাৰ পৰিকল্পনা নিৰ্বিবাদে মানি লৈছিল কানাডাৰ প্ৰধানমন্ত্ৰীয়ে। যাৰ ফলশ্ৰুতিতে বিতৰ্কত লিপ্ত হৈছিল ট্ৰুডো আৰু ফ্ৰীলেণ্ড। লক্ষণীয়ভাৱে এয়া ট্ৰুডোৰ বিৰুদ্ধে আছিল প্ৰথম মুকলি বিবাদ।কানাডাৰ ৰাজনীতিত এয়া জাষ্টিন ট্ৰুডোৰ ৰাজনৈতিক কেৰিয়াৰৰ প্ৰতি এক ভাবুকি হিচাপে পৰিগণিত হৈছে।

স্মৰ্তব্য যে, লিবাৰেল পাৰ্টিৰ নেতা ট্ৰুডো নিৰ্বাচনত ২০ পইণ্টছত পাছ পৰি আছে। এইবাৰৰ মূল প্ৰতিদ্বন্দ্বী পিয়েৰ পইলিভ্ৰে। তিনিবাৰৰ চৰকাৰক ওফৰাই নিৰ্বাচন পাতিবলৈ বাধ্য কৰাইছে পইলিভ্ৰে। গতিকে এই সময়ত ট্ৰুডো চৰকাৰৰ অন্যতম গুৰুত্বপূৰ্ণ নেতাৰ পদত্যাগ অত্যন্ত গুৰুত্বপূৰ্ণ হিচাপে বিবেচিত হৈছে।

তাৎপৰ্যপূৰ্ণভাৱে ফ্ৰীলেণ্ডে পদত্যাগ পত্ৰত উল্লেখ কৰিছে কানাডাই এক ভীষণ প্ৰত্যাহ্বানৰ সন্মুখীন হৈছে। কানাডাৰ সৰ্বাংগীন উন্নতিৰ বাবে তেঁওৰ এই পদক্ষেপ অতি জৰুৰী। কানাডাক আগুৱাই নিয়াৰ এয়েই সৰ্বোত্তম পথ বুলি উল্লেখ কৰিছে সদ্য পদত্যাগী ফ্ৰীলেণ্ডে।