‘শীঘ্ৰে বন্ধ হওক যুদ্ধ’, প্ৰতিবাদকাৰীসকলৰ দখলত কেপিটেল হিল; গ্ৰেপ্তাৰ ৩০০ বিক্ষোভকাৰী

আকৌ উত্তপ্ত আমেৰিকাৰ কেপিটেল। প্ৰাক্তন ৰাষ্ট্ৰপতি ড’নাল্ড ট্ৰাম্পৰ সমৰ্থকসকলে ২০২১ চনৰ জানুৱাৰী মাহত আমেৰিকাৰ নিৰ্বাচনৰ ফলাফল ঘোষণাৰ পিছতে আমেৰিকাৰ কেপিটেলত আক্ৰমণ চলাইছিল। ব্যাপক লণ্ডভণ্ড সংঘটিত হৈছিল। এইবাৰ আমেৰিকাৰ কেপিটেলত ইজৰাইল-পেলেষ্টাইন যুদ্ধক লৈ উত্তেজনা বিয়পি পৰিছে।

পেলেষ্টাইন সমৰ্থকসকলে অৱৰোধ কৰে ৱাশ্বিংটন ডি চি। ইয়াৰ লগে লগে ইজৰাইল-হামাছ যুদ্ধ বন্ধ কৰাৰ দাবীত বিক্ষোভ আৰম্ভ হয়। পৰিস্থিতি নিয়ন্ত্ৰণৰ বাবে বৃহৎ আৰক্ষী বাহিনী মোতায়েন কৰা হয়। কমেও ৩০০ প্ৰতিবাদকাৰীক গ্ৰেপ্তাৰ কৰা হৈছে।

লগতে পঢ়কঃ ইজৰাইলক অস্ত্ৰ যোগানৰ বিৰোধিতা; আমেৰিকাৰ শীৰ্ষ বিষয়াৰ পদত্যাগ

আমেৰিকাৰ সংবাদ মাধ্যমৰ বাতৰি অনুসৰি, বুধবাৰে পেলেষ্টাইন সমৰ্থকে ৱাশ্বিংটন ডি চিৰ কেপিটেল ঘেৰাও কৰে। প্ৰতিবাদকাৰীসকলে কেনন ৰটাণ্ডাত প্ৰৱেশ কৰে। বিভিন্ন গোটত বিভক্ত হৈ তেওঁলোকে যুদ্ধৰ অন্ত পেলোৱাৰ দাবীত শ্লোগান দিয়ে। ইহুদী সংগঠনসমূহে প্লেকাৰ্ড লৈ শ্লোগান দিয়ে।

প্ৰতিবাদক কেন্দ্ৰ কৰি উত্তেজনা বৃদ্ধি পোৱাত বৃহৎ আৰক্ষী বাহিনী মোতায়েন কৰা হয়। কেপিটেল হিলৰ কৰ্মচাৰীসকলকো সতৰ্কবাণী জাৰি কৰে আৰক্ষীয়ে। মূল প্ৰৱেশদ্বাৰ ব্যৱহাৰ কৰাৰ পৰিৱৰ্তে সুৰংগ ব্যৱহাৰ কৰিবলৈ কোৱা হয়। হাউছ চাৰ্জেণ্টো সেই স্থানত উপস্থিত হৈ পৰিস্থিতি নিয়ন্ত্ৰণ কৰিবলৈ চেষ্টা কৰে। কেপিটেল হিলৰ আশে-পাশে থকা সমগ্ৰ অঞ্চলটো বৃহৎ সংখ্যক বেৰিকেড আৰু বেৰ দি আৱৰি ৰখা হয়।

লগতে পঢ়কঃছোনিয়া গান্ধীক ‘’ধাক্কা মাৰি‘’ ইটালীলৈ পঠাব লাগে; বিজেপি নেত্ৰী ৰেনুকা সিঙৰ মন্তব্যত তীব্ৰ প্ৰতিক্ৰিয়া কংগ্ৰেছৰ

আমেৰিকাৰ কেপিটেল পুলিচৰ তথ্য অনুসৰি প্ৰতিবাদকাৰীসকলক কেপিটেল হিলত প্ৰৱেশ কৰিবলৈ অনুমতি নাছিল। তথাপিও মঙলবাৰে নিশা কেপিটেল হিলৰ ভিতৰত প্ৰতিবাদকাৰীয়ে প্ৰৱেশ কৰিবলৈ আৰম্ভ কৰে। বুধবাৰে বিয়লি আৰক্ষীয়ে প্ৰতিবাদকাৰীক উচ্ছেদ অভিযান আৰম্ভ কৰে। কমেও ৩০০ প্ৰতিবাদকাৰীক গ্ৰেপ্তাৰ কৰা বুলি জানিব পৰা গৈছে। বৰ্তমান পৰিস্থিতি নিয়ন্ত্ৰণলৈ অনা হৈছে।