একেৰাহে ৯ ঘণ্টাৰ মাৰাথন জেৰা; কেজৰিৱালক ৫৬টা প্ৰশ্ন চিবিআইৰ

একেৰাহে দীঘলীয়া মাৰাথন জেৰা দিল্লীৰ মুখ্যমন্ত্ৰীক। গ্ৰেপ্তাৰৰ আশংকাৰ সৃষ্টি হৈছিল দলৰ মাজত। অৱশ্যে ৯ ঘণ্টা ধৰি জেৰাৰ অন্তত আপৰ মুৰব্বীগৰাকীয়ে কয় যে তেওঁক কেন্দ্ৰীয় তদন্তকাৰী সংস্থাটোৱে ৫৬টা প্ৰশ্ন কৰে।

দেওবাৰে পুৱাৰে পৰা উত্তাল হৈ পৰে দিল্লী। দিল্লী আবকাৰী দুৰ্নীতিৰ গোচৰত  চিবিআইয়ে মুখ্যমন্ত্ৰী অৰবিন্দ কেজৰিৱালক তলব কৰিছিল।

হাজিৰ হ’বলৈ যোৱাৰ পূৰ্বে তেওঁ সাংবাদিকৰ মুখামুখি হৈ কয় যে বিজেপিয়ে নিৰ্দেশ দিলে চিবিআইয়ে তেওঁক গ্ৰেপ্তাৰ কৰিব পাৰে।

লগতে পঢ়ক: ব্ৰহ্মপুত্ৰত ওপঙি থকা অৱস্থাত উদ্ধাৰ পলাতক গঁড় চিকাৰীৰ মৃতদেহ

জেৰাৰ সময়ত চিবিআইৰ কাৰ্যালয়ৰ বাহিৰত প্ৰতিবাদ সাব্যস্ত কৰি থকা অৱস্থাত আপৰ এদল নেতাক আটক কৰা হয়।

কেজৰিৱালক গ্ৰেপ্তাৰ কৰাৰ আশংকাৰ মাজতে দেওবাৰে দিল্লীত আপ নেতৃত্বই এখন জৰুৰী বৈঠক অনুষ্ঠিত কৰে।

আপৰ মুৰব্বীগৰাকীক দীঘলীয়াকৈ জেৰা কৰা হয়। সূত্ৰসমূহৰ মতে, প্ৰায় ৯ ঘণ্টা ধৰি সোধা-পোছাৰ অন্তত নিশা ৮:৩০ বজাত তদন্তকাৰী সংস্থাটোৰ জেৰাৰ অন্ত পৰে।

লগতে পঢ়ক: নিৰাপত্তা ব্যৱস্থাক ভেঙুচালি কৰি ওদালগুৰিৰ কাৰাগাৰৰ পৰা পলাল কয়দী

উল্লেখ্য যে দিল্লী আবকাৰী দুৰ্নীতিৰ গোচৰত গ্ৰেপ্তাৰ কৰা হৈছে আপৰ নেতা তথা দিল্লীৰ উপ মুখ্যমন্ত্ৰী মনীষ ছিছ’দিয়াক।