ঘোষণা কৰা হ’ল CBSEৰ দ্বাদশ শ্ৰেণীৰ ফলাফল; উত্তীৰ্ণৰ হাৰ ৮৭.৯৮%

কেন্দ্ৰীয় মাধ্যমিক শিক্ষা ব’ৰ্ডে প্ৰকাশ কৰিছে চিবিএছই ১২ ব’ৰ্ড পৰীক্ষাৰ ফলাফল। ফলাফলৰ বাবে অপেক্ষা কৰি থকা প্ৰাৰ্থীসকলে চৰকাৰী ৱেবছাইটত ফলাফল চাব পাৰিব।

চিবিএছইৰ দ্বাদশ শ্ৰেণীৰ ব’ৰ্ড পৰীক্ষাত মুঠ ৮৭.৯৮ শতাংশ ছাত্ৰ-ছাত্ৰীয়ে উত্তীৰ্ণ হোৱাৰ বিপৰীতে যোৱা বছৰৰ তুলনাত উত্তীৰ্ণৰ শতকৰা হাৰ ০.৬৫ বৃদ্ধি পাইছে।

চিবিএছই ব’ৰ্ডৰ ফলাফল ২০২৪: ফলাফলসমূহ cbse.nic.in, cbse.gov.in, cbseresults.nic.in, results.cbse.nic.in আৰু digilocker.gov.in ত উপলব্ধ হ’ব।

চিবিএছই ব’ৰ্ডৰ পৰীক্ষাৰ ফলাফল লাভ কৰিবলৈ প্ৰাৰ্থীসকলে ৰোল নম্বৰ, স্কুল নম্বৰ, আৰু এডমিট কাৰ্ড আইডিৰ প্ৰয়োজন হ’ব।এইবাৰ ১৫ ফেব্ৰুৱাৰীৰ পৰা ১৩ মাৰ্চৰ ভিতৰত চিবিএছইৰ দশম শ্ৰেণীৰ পৰীক্ষা অনুষ্ঠিত হৈছিল, আৰু ১৫ ফেব্ৰুৱাৰীৰ পৰা ২ এপ্ৰিললৈকে দ্বাদশ শ্ৰেণীৰ পৰীক্ষা অনুষ্ঠিত হৈছিল।

২০২৪ চনৰ বাবে প্ৰায় ৩৯ লাখ পৰীক্ষাৰ্থীয়ে ব’ৰ্ড পৰীক্ষা দিছিল।