প্ৰায় ১১.৫ কোটি নাগৰিকৰ পান কাৰ্ড বাতিল কৰিলে কেন্দ্ৰই; আপোনাৰখনো আছে নেকি ইয়াত?

আধাৰ কাৰ্ড সময়মতে সংযোগ হোৱা নাই। যাৰ ফলত সমগ্ৰ দেশতে প্ৰায় ১১.৫ কোটি নাগৰিকৰ PAN Card বাতিল কৰা হৈছে। আয়কৰ বিভাগে আৰ টি আইৰ প্ৰত্যুত্তৰত এই তথ্য প্ৰদান কৰে। যাক লৈ এতিয়া ক্ষোভৰ সৃষ্টি হৈছে।

আধাৰ কাৰ্ড আৰু পান কাৰ্ড লিংক কৰাৰ অন্তিম দিন আছিল ৩০ জুন। যদিও ই বিনামূলীয়া নাছিল। আধাৰ আৰু পান সংযোগৰ বাবে নাগৰিকে মোটা পৰিমাণৰ ধন আদায় দিবলগীয়া হৈছিল। ইয়াৰ মাজতে শুনা গৈছিল যে আয়কৰ বিভাগে পুনৰ পোন সময়সীমা বৃদ্ধি কৰিবলৈ ওলাইছে। কিন্তু শেষত তেনেকুৱা নহ’ল।

লগতে পঢ়কঃ ICC World Cup 2023: পাক নুঘুৰিল পাকিস্তানৰ! ইডেনতো ইংলেণ্ডৰ হাতত লজ্জাজনক পৰাজয়; হতাশাৰে বিশ্বকাপৰ পৰা ঘুৰিল বাবৰ বাহিনী

তথ্যৰ অধিকাৰ কৰ্মী চন্দ্ৰশেখৰ গৌৰে কৰা এক প্ৰশ্নৰ উত্তৰত আয়কৰ বিভাগে জনায় যে সময়সীমাৰ পিছতো প্ৰায় ১২ কোটি পান কাৰ্ড আধাৰৰ সৈতে সংযুক্ত হোৱা নাই। ইয়াৰে ১১.৫ কোটি পান কাৰ্ড বাতিল কৰা হৈছে।

আয়কৰ বিভাগে প্ৰদান কৰা তথ্য অনুসৰি দেশত মুঠ ৭০ কোটি ২৪ লাখ নাগৰিকৰ পান কাৰ্ড আছিল। অৱশ্যে ৫৭ কোটি ২৫ লাখ পান কাৰ্ড আধাৰৰ সৈতে জড়িত হৈ পৰিছে। আয়কৰ বিভাগে দিয়া তথ্য অনুসৰি ২০১৭ চনৰ ১ জুলাইৰ পৰা জাৰি কৰা সকলো পান কাৰ্ডত আধাৰ নম্বৰ দিয়াটো বাধ্যতামূলক আছিল। ইয়াৰ পূৰ্বে সৃষ্টি হোৱা পান কাৰ্ডসমূহৰ ভিতৰত যিবোৰ আধাৰৰ সৈতে জড়িত নাছিল, সেইবোৰ বাতিল কৰা হৈছে। অৰ্থাৎ যদি আধাৰ আপোনাৰ পানৰ লগত লিংক নহয়, তেন্তে আপোনাৰ পান কাৰ্ডো বাতিল হব পাৰে।

লগতে পঢ়কঃবেংগালুৰুত বিৰাট কোহলীৰ নামেৰে ৰাস্তাৰ নামকৰণত বিলম্ব; ক্ষুব্ধ উপ মুখ্যমন্ত্ৰী ডি কে শিৱকুমাৰ

অৱশ্যে পান কাৰ্ড পুনৰ সক্ৰিয় কৰিব পাৰিব। তাৰ বাবে ১০০০ টকা জৰিমনা ভৰিব লাগিব। প্ৰশ্ন উত্থাপন হয়, য’ত জি এছ টি বাদ দি নতুন পান কাৰ্ড বনোৱাৰ খৰচ ৯১ টকা, পান কাৰ্ড পুনৰ খোলাৰ খৰচ ইমান বেছি কিয়? পান কাৰ্ড বাতিল কৰা নাগৰিকে আয়কৰ কেনেকৈ পৰিশোধ কৰিব?