যুদ্ধৰ ভাবুকি! আমেৰিকাৰে হলিগলি কৰা টাইৱানক কেন্দ্ৰ কৰি চীনৰ বৃহৎ সামৰিক অনুশীলন
চীনে টাইৱানৰ আশে-পাশে বৃহৎ সামৰিক অনুশীলন আৰম্ভ কৰিছে। শেহতীয়াকৈ টাইৱানৰ উপ-ৰাষ্ট্ৰপতি উইলিয়াম লাই আমেৰিকা ভ্ৰমণত গৈছে। ইয়াকে লৈ ক্ষুব্ধ হৈ পৰিছে চীন। তাৰ পিছতে দেশখনে টাইৱানৰ আশে-পাশে এনে সামৰিক অনুশীলন আৰম্ভ কৰিছে।
এক বিবৃতিত চীনৰ পিপলছ লিবাৰেশ্যন আৰ্মিৰ ইষ্টাৰ্ণ থিয়েটাৰ কমাণ্ডে টাইৱানৰ আশে-পাশে যৌথ নৌ আৰু বিমান পথেৰে সামৰিক অনুশীলন আৰম্ভ কৰা বুলি সদৰী কৰিছে। আকাশ আৰু সাগৰীয় পথত নিয়ন্ত্ৰণ সাৱ্যস্ত কৰিবলৈ আৰু যুদ্ধৰ ক্ষমতা পৰীক্ষা কৰিবলৈ চীনে এই সামৰিক অনুশীলন চলাইছে।
লগতে পঢ়ক: যাৰ প্ৰেমত চুম্বকৰ দৰে আকৰ্ষিত হয় নাৰী! ৯২ বছৰ বয়সত পুনৰ প্ৰেমত পৰিল ৰূপাৰ্ট মাৰ্ডক!
ইষ্টাৰ্ণ কমাণ্ডৰ এগৰাকী মুখপাত্ৰই চীনৰ চৰকাৰী সংবাদ সংস্থা ছিনহুয়াক জনাইছে যে যুদ্ধৰ সময়ত সশস্ত্ৰ বাহিনীৰ সামৰ্থ্য পৰীক্ষাৰ বাবে এইটো পৰীক্ষা। এই অনুশীলন টাইৱানৰ স্বাধীনতাৰ বিচ্ছিন্নতাবাদী আৰু বিদেশী উপাদান আৰু তেওঁলোকৰ প্ৰৰোচনাৰ বাবে এক কঠোৰ সতৰ্কবাণী।
চীনৰ চৰকাৰী সংবাদ মাধ্যমৰ ফুটেজত চীনৰ সৈন্য, যুদ্ধ বিমান আৰু জাহাজ এই অনুশীলনত অংশগ্ৰহণ কৰা দেখা গৈছে। এই অভিযানত ক্ষেপণাস্ত্ৰ সজ্জিত জাহাজ, যুদ্ধ বিমানে অংশ লৈ টাইৱানৰ আশে-পাশে অনুশীলন চলাই আছে বুলি জানিবলৈ দিছে ৰাষ্ট্ৰীয় সম্প্ৰচাৰ মাধ্যম চিচিটিভিয়ে।