Xi congratulates President Murmu: ভাৰতৰ নতুন ৰাষ্ট্ৰপতিক অভিনন্দন জনাই কি ক’লে চীনৰ ৰাষ্ট্ৰপতিয়ে?

Xi congratulates President Murmu চীনৰ ৰাষ্ট্ৰপতি জি জিনপিঙে ভাৰতৰ নতুন ৰাষ্ট্ৰপতি দ্ৰৌপদী মুৰ্মুলৈ অভিনন্দন বাৰ্তা প্ৰেৰণ কৰিছে।

দ্ৰৌপদী মুৰ্মুৱে ভাৰতৰ নতুন ৰাষ্ট্ৰপতি হিচাপে শপত গ্ৰহণ কৰাৰ পিছতে অভিনন্দন জনাই এক গুৰুত্বপূৰ্ণ বাৰ্তা প্ৰেৰণ কৰে চীনা ৰাষ্ট্ৰপতিগৰাকীয়ে।

তেওঁ বাৰ্তাটোত কয়, “দুয়োখন দেশৰ মাজত পাৰস্পৰিক ৰাজনৈতিক বিশ্বাস গঢ়ি তোলা, প্ৰত্যক্ষ সহযোগিতা সৃষ্টি আৰু মতভেদ হ্ৰাস কৰাৰ বাবে মই ভাৰতৰ ৰাষ্ট্ৰপতিৰ সৈতে সন্মিলিতভাৱে পদক্ষেপ ল’বলৈ সাজু।”

লগতে পঢ়ক: Droupadi Murmu: প্ৰকৃত নাম দ্ৰৌপদী নহয়! নিজেই সদৰী কৰিলে ভাৰতৰ নতুন ৰাষ্ট্ৰপতিয়ে

চীনৰ ৰাষ্ট্ৰপতি জি জিনপিঙে লগতে কয়, “ভাৰত আৰু চীন দুখন গুৰুত্বপূৰ্ণ দেশ। এই অঞ্চলৰ লগতে বিশ্বত শান্তি, উন্নয়ন আৰু স্থিৰতা বজাই ৰখাত দুয়োখন দেশৰ ভূমিকা অপৰিসীম। এই দুয়োখন দেশৰ উন্নয়নৰ সৈতে তেওঁলোকৰ মৌলিক স্বাৰ্থ জড়িত আছে। আমি ইখনে আনখনৰ সৈতে এটা বিশ্বাসযোগ্য সম্পৰ্ক গঢ়ি তোলা প্ৰয়োজন।”

উল্লেখ্য যে ভাৰত-চীন সীমান্তত বিগত বহুদিন ধৰি উত্তেজনা অব্যাহত থকাৰ লগতে ভিন্ন সময়ত দুয়োপক্ষৰ মাজত তিক্ত সম্পৰ্কৰ উদ্ভৱ হৈ আহিছে। পৰিৱৰ্তিত পৰিস্থিতিত ভাৰত-চীনৰ সম্পৰ্ককলৈ সমগ্ৰ বিশ্বই দৃষ্টি ৰাখিছে।