আন এক সুখৱৰ: কৰ’নাৰ চিকিৎসাৰ বাবে চিপ্লাই মুকলি কৰিলে ‘চিপ্ৰেমি’ দৰৱ

দেশত কৰ’না সংক্ৰমণ দ্ৰুত গতিত বৃদ্ধি পোৱাৰ বাবে সকলো উদ্বিগ্ন হৈ পৰিছে। ইয়াৰ মাজতে ফাৰ্মা কোম্পানী চিপ্লা (CIPLA)ই কৰ’না ভাইৰাছৰ চিকিৎসাৰ বাবে ৰেমডেচিভিৰ দৰৱ উলিয়াইছে।

চিপ্লাৰ চিপ্ৰেমি নামৰ এই দৰৱ মুকলি কৰা হৈছে।

ড্ৰাগ কন্ট্ৰ’লাৰ জেনেৰেল অফ ইণ্ডিয়া (ডিচিজিআই)ৰ জৰিয়তে চিপ্লাই ৰেমডেচিভিৰ দৰৱ উলিওৱাৰ অনুমতি লাভ কৰিছিল।

ইয়াৰ পাছতে চিপ্লাই চিপ্ৰেমি নামেৰে এই দৰৱ উলিয়াইছে। কোভিড-১৯ত আক্ৰান্ত গুৰুতৰ অৱস্থাৰ ৰোগীৰ চিকিৎলাৰ বাবে এই দৰৱ ব্যৱহাৰ কৰিব পৰা যাব।

উল্লেখযোগ্য যে য়ু এছ এফডিয়ে ইমাৰজেন্সি য়ুজ অথোৰাইজেশ্যন অনুসৰি গিলিয়ড ছাইন্সেছক ৰেমডেচিভিৰ দৰৱক কৰ’না ভাইৰাছৰ চিকিৎসাৰ বাবে অনুমতি দিছিল।

ইয়াৰ পাছতে যোৱা মে’ মাহত গিলিয়ড ছাইন্সেছে চিপ্লাক এই দৰৱ নিৰ্মাণ তথা বিপণনৰ পৰীক্ষামূলক অনুমোদন দিয়ে।

এতিয়া চিপ্লাৰ তৰফল পৰা ৰিস্ক মেনেজমেন্ট পৰিকল্পনাৰ আধাৰত চিপ্ৰেমি দৰৱৰ ব্যৱহাৰৰ বাবে প্ৰশিক্ষণ দিয়া হ’ব।

ছিপ্ৰেমি মুকলি কৰি চিপ্লাৰ পৰিচালন সঞ্চালক উমংগ বোহৰাই কয় যে চিপ্লাই ভাৰতৰ ৰোগীসকলৰ বাবে ৰেমডেচিভিৰ অনাৰ বাবে গিলিয়ডৰ সৈতে শক্তিশালী মিত্ৰতাৰ দিশত আগবাঢ়িছে।

চিপ্লাই কোভিড-১৯ অতিমাৰীত প্ৰভাৱিত লাখ লাখ লোকৰ জীৱন ৰক্ষাৰ বাবে সম্ভাৱ্য সকলো পথৰ সন্ধানত গভীৰভাৱে মনোনিৱেশ কৰিছে আৰু এয়া সেইফালৰ পৰা এক গুৰুত্বপূৰ্ণ সাফল্য বুলিও কয় হোহৰাই।

উল্লেখ্য যে আমেৰিকা, য়ুৰোপ আৰু এছিয়াৰ ৬০টা কেন্দ্ৰত ১০৬৩গৰাকী ৰোগীৰ ওপৰত ৰেমডেচিভিৰ প্ৰয়োগ কৰা হৈছিল। এই পৰীক্ষাত হাস্পাতলত ভৰ্তি হোৱা ৰোগীসকলে এই দৰৱৰ কাৰণে সোনকালেই সুস্থ হৈ উঠাত সহায় হৈছিল।

উক্ত ৰোগীসকলৰ বেছিভাগেই অক্সিজেন থেৰাপিত আছিল।