তামুলপুৰ প্ৰেছ ক্লাৱৰ অষ্টম দ্বি-বাৰ্ষিক অধিবেশনৰ সামৰণি  

১৮ আৰু ১৯ ছেপ্তেম্বৰত তামুলপুৰ প্ৰেছ ক্লাৱৰ অষ্টম দ্বি-বাৰ্ষিক অধিবেশন খন দুদিনীয়া কাৰ্যসূচীৰে অনুষ্টুপীয়াকৈ অনুষ্ঠিত হৈ যায় ।

১৮ ছেপ্তেম্বৰৰ নিশা প্ৰতিনিধি সভা মুকলি কৰে তামুলপুৰৰ মহকুমাধিপতি ডাঃ বেদাংগ তালুকদাৰে।

দুৰ্বৃত্তই অপহৰণ কৰি হত্যা কৰা তামুলপুৰৰ সাংবাদিক  ছহিদ মনিকণ দাসৰ প্ৰতিচ্ছবিত বন্তি প্ৰজ্বলন কৰে তামুলপুৰ প্ৰেছ ক্লাৱৰ প্ৰাক্তন সভাপতি দ্বিজেন্দ্ৰ নাথ পাঠকে।

প্ৰতিনিধি সভাত তামুলপুৰ প্ৰেছ ক্লাৱৰ জ্যেষ্ঠ সাংবাদিক দীপক কুমাৰ পাঠকক সভাপতি আৰু জ্যেষ্ঠ সাংবাদিক গুণজিৎ দাসক সম্পাদক হিচাপে লৈ তামুলপুৰ প্ৰেছ ক্লাৱৰ নতুন  সমিতি খন গঠন কৰা হয়।

১৯ ছেপ্তেম্বৰৰ পুৱা পতাকা উত্তোলন কৰে তামুলপুৰ প্ৰেছ ক্লাৱৰ সভাপতি  খগেন বৈশ্যই আৰু স্মৃতি তৰ্পন কৰে তামুলপুৰ প্ৰেছ ক্লাৱৰ উপ-সভাপতি চক্ৰেশ্বৰ ডেকাই।

দিনৰ ১১ বজাত অনুষ্ঠিত মুকলি অধিবেশনখন আনুষ্ঠানিকভাৱে মুকলি কৰে সদৌ অসম ছাত্ৰ সন্থাৰ ক্ৰীড়া সম্পাদক পূৰ্ণ ডেকাই।

সভাতে তামুলপুৰ প্ৰেছ ক্লাৱৰ পৰা সাহিত্য, সংস্কৃতি, সাংবাদসেৱা,  পৰিবেশ আদিৰ লগতে বিভিন্ন ক্ষেত্ৰত অৰিহণা যোগোৱা মুঠ ১১  গৰাকী ব্যক্তিক  সম্বৰ্ধনা জনোৱা হয়।

মুকলি সভাত মুখ্য অতিথি হিচাপে তামুলপুৰ মহকুমা আৰক্ষী বিষয়া ৰূপজ্যোতি কলিতা আৰু নিৰ্দিষ্ট বক্তা হিচাপে ৰঙিয়া প্ৰেছ ক্লাৱৰ উপ-সভাপতি মুস্তাফা কামাল আহমেদে অংশগ্ৰহণ কৰে।

কোভিড বিধি মানি অনুষ্ঠিত মুকলি সভাত তামুলপুৰ অঞ্চলৰ বিভিন্ন জাতি- জনগোষ্ঠীৰ ছাত্র সংগঠনৰ নেতা- কৰ্মীৰ লগতে তামুলপুৰ প্ৰেছ ক্লাৱৰ সাংবাদিকসকল উপস্থিত থাকে ।