ট্ৰাম্পৰ ভাবুকিক কঠোৰ সমালোচনা কংগ্ৰেছ নেতা শশী থাৰুৰ আৰু ৰাহুল গান্ধীৰ
আমেৰিকাত ক’ৰ’না ভাইৰছৰ ভয়াবহ সংক্ৰমণৰ বাবে যেন হিতাহিত জ্ঞান হেৰুৱাই পেলাইছে ৰাষ্ট্ৰপতি ড’নাল্ড ট্ৰাম্পে।
ভাৰতৰ পৰা হাইড্ৰ’ক্সিক্লৰ’কুইন বিচাৰি ভাৰতে যদি ৰপ্তানি কৰিবলৈ অমান্তি হয় তেন্তে ভাৰতৰ বিৰুদ্ধে কঠোৰ ব্যৱস্থা গ্ৰহণ কৰা হ’ব বুলি ছ’চিয়েল মিডিয়াত ট্ৰম্পে ভাবুকি দিয়াৰ পাছতে ৰাষ্ট্ৰপতি ট্ৰাম্পক কঠোৰ প্ৰত্যুত্তৰ দিছে কংগ্ৰেছৰ জেষ্ঠ নেতা তথা সাংসদ শশী থাৰুৰে।
শশী থাৰুৰে তেওঁ কেতিয়াও কোনো দেশৰ প্ৰধানক এনেদৰে মুকলিকৈ ভাবুকি দিয়া দেখা নাই বুলি উল্লেখ কৰি হাইড্ৰ’ক্সিক্লৰ’কুইন ৰপ্তানি নকৰালৈ ভাৰতৰ সামগ্ৰী, ভাৰতে ৰপ্তানি কৰিব নে নকৰে সেয়া সিদ্ধান্ত লোৱাৰ পাছতহে আমেৰিকাৰ হ’ব বুলি সমালোচনা কৰে।
আনহাতে, কংগ্ৰেছ নেতা ৰাহুল গান্ধীও ৰাষ্ট্ৰপতি ট্ৰাম্পক সমালোচনা কৰি কয়, ‘‘বন্ধুত্ব ভাবুকিৰ দ্বাৰা নচলে। ভাৰতে প্ৰয়োজন অনুসৰি সকলো দেশক সহায়ৰ হাত আগবঢ়াব কিন্তু প্ৰথমতে জীৱন দায়িনী ঔষধসমূহ ভাৰতীয়ৰ বাবে প্ৰয়োজনীয় মাত্ৰাত উপলব্ধ থাকিব লাগিব।’’
উল্লেখযোগ্য যে, ভাৰত চৰকাৰৰ তৰফৰ পৰাও ড’নাল্ড ট্ৰাম্পৰ ভাবুকিৰ প্ৰত্যুত্তৰ দি আমাৰ বাবে দেশ প্ৰথম বুলি কয়।
হাইড্ৰ’ক্সিক্লৰ’কুইন ঔষধক লৈ হোৱা বিবাদৰ মাজতে ভাৰতৰ বিদেশ মন্ত্ৰ্যালয়ে প্ৰত্যুত্তৰ দি কৈছে যে ভাৰতত ইয়াৰ প্ৰয়োজন আৰু ষ্টক পৰীক্ষা কৰি চোৱা হ’ব আৰু তাৰ পাছত সৰ্বাধিক আক্ৰান্ত দেশক সহায় কৰা হ’ব।