‘স্বচ্ছ’ তদন্তৰ বাবে দৰঙৰ উপায়ুক্ত আৰু আৰক্ষী অধীক্ষকক বদলিৰ দাবী কংগ্ৰেছ সাংসদৰ
বৃহস্পতিবাৰে ছিপাঝাৰত উচ্ছেদস্থলীত সংঘটিত সংঘৰ্ষত আৰক্ষীৰ গুলীত দুজন প্ৰতিবাদকাৰী নিহত হোৱা ঘটনাকলৈ ৰাজ্য চৰকাৰক সৰ্বাত্মকভাৱে জবাবদিহি কৰিছে প্ৰদেশ কংগ্ৰেছে।
উক্ত সংঘৰ্ষত ৯গৰাকী আৰক্ষী কৰ্মীও আহত হৈছে।
এই বিষয়ত বক্তৱ্য প্ৰকাশ কৰি কংগ্ৰেছ সাংসদ ৰিপুন বৰাই সংঘৰ্ষৰ এক ‘স্বচ্ছ’ তদন্তৰ বাবে দৰঙৰ উপায়ুক্ত আৰু আৰক্ষী অধীক্ষকৰ শীঘ্ৰে বদলিৰ দাবী তুলিছে।
বৰাই দৰঙৰ উপায়ুক্ত আৰু আৰক্ষী অধীক্ষকৰ বদলি দাবী কৰাৰ লগতে গুৰুত্ব আৰোপ কৰি কয় যে আৰক্ষী অধীক্ষকগৰাকী মুখ্যমন্ত্ৰী হিমন্ত বিশ্ব শৰ্মাৰ ভাতৃ হোৱা হেতুকে তদন্ত প্ৰক্ৰিয়া বিপথে পৰিচালিত হ’ব পাৰে।
আৰু পঢ়ক: Sipajhar Eviction:গৰুখুঁটিত প্ৰতিবাদকাৰীৰ ওপৰত আক্ৰমণ চলোৱা ফটোগ্ৰাফাৰ বিজয় শংকৰ বনিয়াক গ্ৰেপ্তাৰ
উল্লেখ্য যে দৰঙৰ আৰক্ষী অধীক্ষক সুশান্ত বিশ্ব শৰ্মা মুখ্যমন্ত্ৰী হিমন্ত বিশ্ব শৰ্মাৰ ভাতৃ।
Due to public outcry @mygovassam ordered Judicial enquiry under a rtd. Judge of GHC to enquire into #PoliceBrutality of Dholpur.
We demand the IMMEDIATE TRANSFER of the DC & SP(being CM's own brother) of Darrang Dist. for transparency in the enquiry.@himantabiswa#AssamHorror— Ripun Bora (@ripunbora) September 24, 2021
‘’আমি তদন্তৰ স্বচ্ছতাৰ বাবে দৰঙ জিলাৰ উপায়ুক্ত আৰু আৰক্ষী অধীক্ষক (মুখ্যমন্ত্ৰীৰ নিজ ভাতৃ)ৰ শীঘ্ৰে বদলিৰ দাবী জনাইছো,’’-ৰিপুন বৰাই কয়।
The Chief Minister Himanta Biswa Sarma’s own brother is the Superintendent Police of the Darrang district where the barbaric violence took place. It is clear that this CM-SP duo did not want a peaceful resolution to the eviction drive. The CM continues to bring shame to Assam.
— Gaurav Gogoi (@GauravGogoiAsm) September 23, 2021
আনহাতে, ৰাজ্যখনৰ আন এগৰাকী কংগ্ৰেছ সাংসদ তথা লোকসভাত বিৰোধী দলৰ উপ দলপতি গৌৰৱ গগৈয়ে কয়,’’মুখ্যমন্ত্ৰী হিমন্ত বিশ্ব শৰ্মাৰ নিজা ভাতৃয়ে দৰং জিলাৰ আৰক্ষী অধীক্ষক য’ত এই বৰ্বৰ হিংসাত্মক ঘটনা সংঘটিত হৈছে। এইটো স্পষ্ট যে মুখ্যমন্ত্ৰী-আৰক্ষী অধীক্ষকদ্বয়ে উচ্ছেদ অভিযানৰ এক শান্তিপূৰ্ণ সমাধান বিচৰা নাছিল। মুখ্যমন্ত্ৰীয়ে অসমলৈ লজ্জা কঢ়িয়াই অনা কাৰ্য অব্যাহত ৰাখিছে।‘’