কংগ্ৰেছৰ একাউণ্টৰ পৰা ৬৫ কোটি টকা উলিয়াই নিছে আয়কৰ বিভাগে; ন্যায়াধিকৰণত অভিযোগ দলৰ

যোৱা সপ্তাহত কংগ্ৰেছে দাবী কৰিছিল যে কৰ সংক্ৰান্ত গোচৰত আয়কৰ বিভাগে ২১০ কোটি টকা দাবী কৰি দলটোৰ বিভিন্ন বেংক একাউণ্ট ‘ফ্ৰীজ’ কৰি ৰাখিছে। এইবাৰ কংগ্ৰেছে বুধবাৰে অভিযোগ কৰে যে আয়কৰ বিভাগে তেওঁলোকৰ কংগ্ৰেছ আৰু যুৱ কংগ্ৰেছ একাউণ্টৰ পৰা ৬৫ কোটি টকা উলিয়াই নিছে।

আয়কৰ ৰিটাৰ্ণৰ গোচৰত কংগ্ৰেছে দাবী কৰিছে যে আয়কৰ বিভাগে বিভিন্ন বেংকক কৰৰ ধন সংগ্ৰহৰ বাবে লিখিছে আৰু এই ধন কংগ্ৰেছ একাউণ্টৰ পৰা উলিয়াবলৈ নিৰ্দেশ দিছে। এই গোচৰত কংগ্ৰেছে ইনকম টেক্স এপিলেট ট্ৰিব্যুনেলৰ কাষ চাপিছে। তাত ২১ ফেব্ৰুৱাৰীত গোচৰৰ শুনানি পৰ্যন্ত গোচৰটোৰ স্থিতাৱস্থা বাহাল ৰাখিবলৈ বাৰ্তা দিয়া হয়।

সূত্ৰই দাবী কৰা মতে, ২০ ফেব্ৰুৱাৰীত কংগ্ৰেছ একাউণ্টৰ পৰা ৬৫ কোটি টকা উলিওৱা হৈছে। খবৰ অনুসৰি আয়কৰ বিভাগে মুঠ ১১৫ কোটি কৰ দিবলগীয়া কৰৰ পৰা এই ধন আদায় কৰিছে।

লগতে পঢ়কঃ বিশ্বব্ৰহ্মাণ্ডৰ আটাইতকৈ উজ্জ্বল বস্তুটো আৱিষ্কাৰ কৰিলে বিজ্ঞানীসকলে

সংবাদ সংস্থাৰ বাতৰি মতে, ২১ ফেব্ৰুৱাৰীত ন্যায়াধিকৰণৰ কি নিৰ্দেশ আহিব সেয়া নেদেখাকৈয়ে আয়কৰ বিভাগে ব্যৱস্থা গ্ৰহণ কৰিছে। কংগ্ৰেছৰ কোষাধ্যক্ষ অজয় ​​মাকেনে কংগ্ৰেছৰ হৈ এক্স হেণ্ডেল পোষ্টত এই ঘটনাক ‘গণতন্ত্ৰ বিৰোধী’ বুলি অভিহিত কৰে।

অজয় মেকেনে নিজৰ পোষ্টত কেন্দ্ৰীয় সংস্থাটোৰ কাৰ্যপন্থাক লৈও প্ৰশ্ন উত্থাপন কৰে। ন্যায়াধিকৰণৰ শুনানিৰ পূৰ্বে আয়কৰ বিভাগে কিয় এনে ব্যৱস্থা গ্ৰহণ কৰিছে তাক লৈ কংগ্ৰেছে প্ৰশ্ন উত্থাপন কৰিছে।

 সূত্ৰসমূহে দাবী কৰিছে যে কংগ্ৰেছে ইতিমধ্যে আয়কৰ বিভাগৰ ওচৰত আবেদন জনাইছে, যাতে গোচৰৰ শুনানি শেষ হোৱাৰ পূৰ্বে বিভাগটোৱে আৰু কোনো ব্যৱস্থা গ্ৰহণ নকৰে।

লগতে পঢ়কঃ Love In The Time Of War: ঠিক যেন বাস্তৱৰ বাৰ্বি, অপূৰ্ব সুন্দৰীৰ প্ৰেমত মচগুল পুটিন; বয়স মাত্ৰ ৩২ বছৰে সৰু!

যোৱা সপ্তাহত কংগ্ৰেছৰ কোষাধ্যক্ষ অজয় ​​মাকেনে দাবী কৰিছিল যে ২০১৮-১৯ বৰ্ষৰ আয়কৰ পৰিশোধ নকৰাৰ গোচৰত আয়কৰ বিভাগে ২১০ কোটি টকাক লৈ ব্যৱস্থা গ্ৰহণ কৰিছে। কংগ্ৰেছে দাবী কৰিছিল যে তেওঁলোকৰ বেংক একাউণ্ট ‘ফ্ৰীজ’ কৰা হৈছে। অৱশ্যে আয়কৰ বিভাগে ন্যায়াধিকৰণক জনাইছে যে তেওঁলোকে কোনো কংগ্ৰেছ একাউণ্ট ফ্ৰীজ কৰা নাই, ইয়াক ‘লিয়েন’হে কৰা হৈছে। আইনী ভাষাত ‘লিয়েন’ৰ অৰ্থ হ’ল ঋণ সংগ্ৰহ নোহোৱালৈকে যিজন ব্যক্তিৰ ওচৰত ই ঋণী, তেওঁৰে সম্পত্তিৰ ওপৰত অধিকাৰ।

ইয়াৰ পূৰ্বে কংগ্ৰেছে আয়কৰ বিভাগৰ এই কাৰ্যত স্থগিতাদেশ বিচাৰি আপীল ন্যায়াধিকৰণৰ কাষ চাপিছিল। সেই আবেদনৰ প্ৰতি লক্ষ্য ৰাখি ন্যায়াধিকৰণে আয়কৰ বিভাগৰ পৰা জবাবদিহিতা বিচাৰিছিল।