ক’ৰ’না ভাইৰাছৰ সংহাৰত বিধ্বস্ত চীনত মুকলি কৰা হ’ল ছবি গৃহ

ক’ৰ’না ভাইৰাছে সংহাৰৰ চলোৱা চীনত এতিয়া মুকলি কৰা হৈছে ছবি গৃহ।

বাতৰি প্ৰতিষ্ঠানত প্ৰকাশ পাইছে এই খবৰ।

উল্লেখ্য চীনৰ য়ুহানত উৎপত্তি হোৱাৰ পিছত ক’ৰ’না ভাইৰাছত দেশখনৰ ৮০ হাজাৰৰো অধিক লোক আক্ৰান্ত হোৱাৰ বিপৰীতে ৩ হাজাৰো অধিক আক্ৰান্ত লোকৰ মৃত্যু ঘটিছে।

চীনৰ পৰাই সংক্ৰমণ ঘটা এই মাৰাত্মক ভাইৰাছ বিধে সমগ্ৰ বিশ্বতে সংহাৰ চলাইছে। বৰ্তমানলৈ এই মাৰাত্মক ভাইৰাছে সমগ্ৰ বিশ্বজুৰি ৪ লাখ ৭০ হাজাৰৰো অধিক লোকৰ দেহত সংক্ৰমণ ঘটাৰ বিপৰীতে ২১ হাজাৰ ২৯৫ জন লোকৰ জীৱন কাঢ়ি নিছে।

ক’ৰ’না ভাইৰাছৰ সংহাৰী সংক্ৰমণ ৰোধ কৰিবলৈ দেশখনত ল’কডাউন ঘোষণা কৰা হৈছিল।

চীনৰ অৰ্থনীতি ক’ৰ’নাৰ সংহাৰৰ বাবে বিধ্বস্ত হৈ পৰা বুলি বাতৰি প্ৰকাশ পাইছিল।

ইতিমধ্যে চীনে এই মাৰাত্মক ভাইৰাছৰ সংক্ৰমণ ৰোধ কৰাৰ বুলি দাবী কৰিছে।

ইফালে চীনে যোৱা ১৯ মাৰ্চ পৰা এই ভাইৰাছৰ দ্বাৰা কোনো নতুন লোক আক্ৰান্ত হোৱা নাই বুলি দাবী কৰিলেও দেশখনত পুনৰ ৬৭ জন লোকৰ শৰীৰত ক’ৰ’না ভাইৰাছৰ উপস্থিতি ধৰা পৰা লগতে ৬ জন আক্ৰান্তৰ মৃত্যু ঘটিছে বুলি আন্তজাৰ্তিক সংবাদ প্ৰতিষ্ঠানত বাতৰি প্ৰকাশ পাইছে।

অৱেশ্য এই নতুনকৈ আক্ৰানত ব্যক্তিকেইজন চীনৰ বাহিৰৰ পৰা অহা ব্যক্তি বুলি দেশখনে দাবী কৰিছে।

এনে এক সংকটাপূৰ্ণ সময়তে চীনৰ চৰকাৰে ছবি গৃহসমূহত ছবি প্ৰদৰ্শনৰ বাবে মুকলি কৰাৰ বাতৰি প্ৰকাশ পাইছে।

দেশখনৰ প্ৰায় ১৭ হাজাৰ ছবিগৃহৰ ভিতৰত ৫০০ টা ছবিগৃহত ছবি প্ৰদৰ্শনৰ বাবে চীন চৰকাৰে অনুমতি প্ৰদান কৰিছে।

অৱশ্যে ছবি প্ৰদৰ্শনৰ বাবে অনুমতি প্ৰদান কৰা ছবিগৃহবোৰ পত্যন্ত অঞ্চলৰ যিবোৰত অঞ্চলত ক’ৰ’না ভাইৰাছৰ সংক্ৰমণ ঘটা নাছিল।