ক’ৰ’না ভাইৰাছ : এই পৰ্যন্ত দেশত ৩,৩৭৪ গৰাকী লোক আক্ৰান্ত, মৃত্যু ৭৯ গৰাকীৰ
ভাৰতত দ্ৰুতগতিত বৃদ্ধি পাবলৈ ধৰিছে ক‘ৰ‘না ভাইৰাছত আক্ৰান্তৰ সংখ্যা। দেশত এই পৰ্যন্ত ভাইৰাছবিধৰ ফলত ৩,৩৭৪ গৰাকী লোক আক্ৰান্ত হোৱাৰ লগতে ৭৯ গৰাকী লোকৰ মৃত্যু হৈছে।
জানিব পৰা মতে আজি পুনে চহৰত তিনিজন লোকৰ মৃত্যু হয়। মৃত্যু হোৱা আটাই কেইগৰাকী লোকৰে বয়স ৫০ৰ ওপৰত বুলি স্বাস্থ্য মন্ত্ৰ্যালয়ে জনায়।
দেশৰ স্বাস্থ্য মন্ত্ৰ্যালয়ে জনোৱা অনুসৰি আক্ৰান্ত হোৱা লোকৰ ২৬৭ গৰাকী লোক সম্পূৰ্ণ সুস্থ হৈ ঘৰলৈ উভতিছে।
এই পৰ্যন্ত দেশৰ ভিতৰত সৰ্বাধিক মহাৰাষ্ট্ৰত ৬৯০ গৰাকী লোক ক’ৰ’নাত আক্ৰান্ত হৈছে। ৰাজ্যখনত আজি মুঠ ২৬ গৰাকী লোকৰ দেহত নতুনকৈ এই ভাইৰাছবিধৰ অৱস্থিতি ধৰা পৰিছে। ইয়াৰে ১৭ গৰাকী পুনেৰ।
ইয়াৰ উপৰি নতুন দিল্লীত যোৱা ২৪ ঘণ্টাত ৫৯ গৰাকী লোক নতুনকৈ ক’ৰ’নাত আক্ৰান্ত হৈছে।
উল্লেখ্য যে, ক’ৰ’নাত আক্ৰান্ত লোকসকলে সাৰ্বজনিক তথা ৰাজহুৱা স্থানত থু পেলোৱাৰ বাবেই আক্ৰান্তৰ সংখ্যা দ্ৰুতগতিত বৃদ্ধি পোৱা বুলি আশংকা ব্যক্ত কৰিছে স্বাস্থ্য মন্ত্ৰ্যালয়ে।