কৰ’নাভাইৰাছৰ বাবে গুৱাহাটীৰ সমূহ ৰঙালী বিহু সন্মিলনীৰ কাৰ্য্যসূচী বাতিল
কৰ’নাভাইৰাছৰ আতংকৰ বাবে গুৱাহাটীত এইবাৰ সমূহ ৰঙালী বিহু উদযাপনৰ কাৰ্য্যসূচী বাতিল কৰা হৈছে।
সদৌ গুৱাহাটী ৰঙালী বিহু সন্মিলনী সমন্বয়ৰক্ষী সমিতিয়ে শুকুৰবাৰে এই সিদ্ধান্ত গ্ৰহণ কৰিছে।
“আজি হোৱা এক সভাত বিহুৰ সকলো কাৰ্য্যসূচী সাময়িকভাৱে বাতিল কৰাৰ সিদ্ধান্ত গ্ৰহণ কৰা হৈছে,” সমিতিৰ সাধাৰণ সম্পাদক প্ৰিন্স ফাইজুল হকৰ উদ্ধৃতিৰে বাতৰিত প্ৰকাশ।
তেওঁ লগতে জনাইছে যে ১৩ এপ্ৰিলৰ পুৱা বিহুৰ পৰম্পৰাসমূহ পালন কৰা হ’ব, কিন্তু সন্ধিয়াৰ আন সকলো কাৰ্য্যসূচী বন্ধ থাকিব।
অসমত এতিয়ালৈকে কৰ’নাভাইৰাছত আক্ৰান্ত কোনো লোক চিনাক্ত হোৱা নাই।
বিশ্বজুৰি আতংকৰ সৃষ্টি কৰা ভাইৰাছবিধ প্ৰতিহত কৰাৰ বাবে চৰকাৰে জৰুৰী সাৱধানতামূলক পদক্ষেপ গ্ৰহণ কৰিছে।
ভাৰতত এতিয়ালৈকে ২৫০গৰাকীৰো অধিক কৰ’নাভাইৰাছত আক্ৰান্ত ৰোগী চিনাক্ত হৈছে। পাঁচজন লোক মৃত্যুমুখত পৰিছে।
প্ৰধান মন্ত্ৰী নৰেন্দ্ৰ মোদীয়ে কৰ’নাভাইৰাছৰ বিৰুদ্ধে ২২ মাৰ্চৰ পুৱা ৭ বজাৰ পৰা সন্ধিয়া ৯ বজালৈকে দেশজুৰি জনতাৰ কাৰ্ফিউ আহ্বান কৰিছে।
You may also like
চাহ শ্ৰমিকক ২০ শতাংশ বানচ নিদিলে উত্তপ্ত হ’ব পাৰে বাগিচাৰ পৰিস্থিতি : আটছা
দূৰ্গাোৎসৱৰ পূৰ্বে অসমৰ চাহ বাগিচাৰ শ্ৰমিক সকলক ২০ শতাংশ বানচ দিবৰ বাবে দাবী জনাইছে অসম চাহ জনজাতি ছাত্ৰ সন্থাই। আজি বোকাখাতত অনুষ্ঠিত…
আপোনাৰ জিলাত কোনে উত্তোলন কৰিব পতাকা?
কোন মন্ত্ৰীয়ে ক’ত ২৬ জানুৱাৰীৰ পতাকা উত্তোলন কৰিব খানাপাৰা – ৰাজ্যপাল, লগতে উপস্থিত থাকিব মুখ্যমন্ত্ৰী হিমন্ত বিশ্ব শৰ্মা – মৰিগাওঁ চন্দ্ৰমোহন পাটোৱাৰী-…
‘হাইজিন ফৰ ৱ’মেন’ শীৰ্ষক সামৰণি অনুষ্ঠানত পাগলাদিয়াপাৰত একেলগে ৫০গৰাকী শিল্পীয়ে অংকন কৰিব চিত্ৰ
মহিলাসকলৰ মাজত পৰিচ্ছনতা আৰু চেনিটেৰী নেপকিনৰ উচিত ব্যৱহাৰৰ সন্দৰ্ভত নলবাৰীৰ স্বেচ্ছাসেৱী অনুষ্ঠান এ বি চি ডিয়ে চলিত বছৰত এক ‘হাইজিন ফৰ ৱ’মেন’…
হঠাতে অসুস্থ অভিনেতা মিথুন চক্ৰৱৰ্তী, হাস্পাতালত ভৰ্তি
অসুস্থতাৰ বাবে চিকিৎসালয়ত ভৰ্তি কৰা হৈছে প্ৰসিদ্ধ অভিনেতা তথা ৰাজনীতিক মিথুন চক্ৰৱৰ্তীক। শনিবাৰে পুৱা কলকাতাৰ বাইপাছৰ সমীপৰ এখন ব্যক্তিগত চিকিৎসালয়ত তেওঁক ভৰ্তি…