কোন দেশত কিমান আক্ৰান্ত হৈছে? কিমান আক্ৰান্তৰ মৃত্যু ঘটিছে ক’ৰ’না ভাইৰাছত?

সমগ্ৰ বিশ্বতে মহামাৰী ৰূপ ধাৰণ কৰা মাৰাত্মক ক’ৰ’না ভাইৰাছত প্ৰতিদিনে আক্ৰান্ত লোকৰ সংখ্যা বৃদ্ধি পাই আছে।

সমগ্ৰ বিশ্বত আক্ৰান্তৰ সংখ্যাই ইতিমধ্যে ১ লাখ অতিক্ৰম কৰিছে।

এতিয়ালৈকে সমগ্ৰ বিশ্বত এই ভাইৰাছত আক্ৰান্ত হৈ মৃত্যু হোৱা লোকৰ সংখ্যা হ’ল ৩,৬০০ গৰাকী। আৰু আক্ৰান্তৰ সংখ্যা হ’ল ১,০৬,২১১ গৰাকী। আক্ৰান্ত দেশৰ সংখ্যা প্ৰায় ৬০ খন।

আনহাতে এই ভাইৰাছৰ পৰা ৰিক’ভাৰী হোৱা লোকৰ সংখ্যা হ’ল ৬০,২১৪ গৰাকী।

আক্ৰান্তৰ লোকৰ ভিতৰত মৃত্যুৰ হাৰ হৈছে ৬%  আৰু ৰিক’ভাৰীৰ হাৰৰ হৈছে ৯৪% ।

আক্ৰান্তৰ ভিতৰৰ ৬,০৩৬ জনক সংকটজনক বুলি চিনাক্ত কৰা হৈছে যাৰ হাৰ হৈছে ১৪%। আনহাতে ৮৬% শতাংশ অৰ্থাৎ ৩৬,৩৬১ জনক সাধাৰণভাৱে আক্ৰান্ত বুলি কোৱা হৈছে।

চীন আৰু দক্ষিণ কোৰিয়াত সংক্ৰমণৰ সংখ্যাই হৈছে সৰ্বাধিক। এতিয়ালৈকে কেৱল চীনতে আক্ৰান্ত লোকৰ সংখ্যা ৮০,৬৯৬ গৰাকী হোৱাৰ বিপৰীতে মৃত্যু হোৱা লোকৰ সংখ্যা হ’ল ৩,০৯৭ গৰাকী। চীনত আক্ৰান্তৰ সংকটজনক সংখ্যা হৈছে ৫,২৬৪ গৰাকী।

চীনৰ পিছতে দক্ষিণ কোৰিয়াত ৭,১৩৪ গৰাকী, ইটালীত ৫,৮৮৩ গৰাকী আৰু ইৰাণত ৫,৮২৩ গৰাকী লোক এতিয়ালৈকে আক্ৰান্ত হৈছে। এই তিনিখন ৰাষ্ট্ৰত মৃত্যু হোৱা লোকৰ সংখ্যা হৈছে ক্ৰমে ৫০, ২৩৩ আৰু ১৪৫ গৰাকী।

চীনৰ পিছতে ইটালীত সংকটজনক সংখ্যা বেছি। দেশখনৰ ৫৬৭ গৰাকী আক্ৰান্তক সংকটজনক বুলি ঘোষণা কৰা হৈছে।

বাকী ৰাষ্ট্ৰবোৰত আক্ৰান্ত সংখ্যাই বৰ্তমানলৈকে হাজাৰ চোৱা নাই।

ভাৰতত এতিয়ালৈকে আক্ৰান্তৰ সংখ্যাই ৩৯ চুইছেগৈ। ইয়াৰে ৩ গৰাকী আক্ৰান্ত ক’ৰ’না ভাইৰাছ মুক্ত হৈছে যদিও আৰু ৫ গৰাকীক নতুনকৈ চিনাক্ত কৰা হৈছে। অৱেশ্যে ভাৰতত আক্ৰান্তকেই এতিয়ালৈকে সংকটজনক বুলি ঘোষণা কৰা হোৱা নাই।

আক্ৰান্তসকলৰ ১৬ গৰাকী ইটালীৰ পৰ্যটক আৰু তেওঁলোকৰ গাইড বুলি জানিব পৰা গৈছে।