কভিড-১৯ : অত্যধিক মেদবহুল লোকে বাস কৰা দেশসমূহত মৃ্ত্যুৰ হাৰ অধিক!

অত্যধিক মেদবহুলতাই কভিড-১৯ত মৃত্যুমুখত পেলাব পাৰে!

শেহতীয়া এক তথ্য অনুসৰি, অত্যধিক মেদবহুল লোকে বাস কৰা দেশসমূহৰ কভিড-১৯ত মৃ্ত্যুৰ হাৰ বেছি।

‘ৱৰ্ল্ড অবেচিটি ফেডাৰেচন’ নামৰ এটা স্বাস্থ্যসজাগতামূলক সংস্থাই প্ৰকাশ কৰা মতে, অত্যধিক মেদবহুল লোকে বাস কৰা দেশসমূহত মৃত্যুৰ হাৰ দহ শতাংশৰো বেছি।

তদুপৰি, ২০২১ চনৰ ফেব্ৰুৱাৰী পৰ্যন্ত, ভাইৰাছত আক্ৰান্ত হৈ মৃত্যু হোৱা ২.৫ মিলিয়ন লোকৰ ২.২ মিলিয়নেই অত্যধিক মেদবহুল লোকে বাস কৰা দেশৰ।

উল্লেখযোগ্য যে ইংলেণ্ড, আমেৰিকা যুক্তৰাষ্ট্ৰ আৰু ইটালীত কভিড-১৯ মৃত্যুৰ হাৰ বেছি আৰু এই দেশসমূহৰ ৫০ শতাংশ প্ৰাপ্তবয়স্ক লোকেই মেদবহুল।

সংস্থাটোৱে এই গৱেষণাটোৰ বাবে আমেৰিকাৰ জন হপকিনছ ইউনিভাৰ্চিটি আৰু বিশ্ব স্বাস্থ্য সংস্থাৰ তথ্যৰ সহায় লৈছে।