ভুলতে জাবৰৰ মাজলৈ দলিয়ালে ১৪ লাখ টকা
ডাষ্টবিন পৰিষ্কাৰ কৰাটো বেছিভাগ লোকৰ বাবে নিত্য কৰ্মৰ তালিকাৰ অন্তৰ্ভুক্ত এটা কাম।
কিন্তু কেতিয়াবা ভুলবশতঃ যদি আমি ডাষ্টবিনত আমাৰ প্ৰয়োজনীয় বস্তুটো পেলাই দিওঁ আৰু বিচাৰি নাপাওঁ সেই সময়ত আমি বস্তুটো বিচাৰি হাবাথুৰি খাওঁ।
যেতিয়া পৰিয়াল এটাই নিজৰ থকা গৃহ সলনি কৰি নতুন গৃহলৈ যায় তেতিয়া প্ৰায়ে পৰিষ্কাৰ-পৰিচ্ছন্নতাৰ সময়ত বহু লাগতীয়াল বস্তু ডাষ্টবিনত পেলোৱা হয়।
ইংলেণ্ডৰ এটা দম্পতীয়ে অলপতে জাবৰ চাফ চিকুণ কৰাৰ সময়ত ভুলতে ১৪ লাখ টকা নৱীকৰণ যোগ্য ডাষ্টবিনত পেলাই দিয়ে।
জানিব পৰা মতে, দম্পতীটোৱে সম্পৰ্কীয় এঘৰৰ বাসগৃহ পৰিষ্কাৰ কৰি আছিল আৰু অলাগতিয়াল সামগ্ৰীসমূহ পৰিষ্কাৰ কৰি ঘৰত থকা ডাষ্টবিনবোৰ নৱীকৰণ চেণ্টাৰলৈ লৈ যায়। চেণ্টাৰৰ কৰ্মীসকলে ডাষ্টবিনটো চাওঁতে আচৰিত হৈ পৰে।
কৰ্মীসকলে ডাষ্টবিনৰ জাবৰৰ মাজত ১৪ লাখ টকা উদ্ধাৰ কৰে।
উল্লেখযোগ্য যে, দায়িত্বশীল কৰ্মীসকলে টকাখিনি নিজৰ লগত নাৰাখি ইংলেণ্ডৰ এভ’ন আৰু ছমাৰছেট আৰক্ষীক খবৰ দিয়ে।
খবৰ লাভৰ পাছতে ঘটনাস্থলীত আৰক্ষীৰ দল উপস্থিত হৈ চি চি টিভিৰ ফুটেজ লক্ষ্য কৰি ডাষ্টবিনৰ জাবৰ পেলাব অহা দম্পতীটো চিনাক্ত কৰে আৰু তেওঁলোকৰ হাতত টকাখিনি ঘূৰাই দিয়ে।
আৰক্ষীয়ে নৱীকৰণ চেণ্টাৰৰ কৰ্মীসকলক সততাৰ বাবে ধন্যবাদ জ্ঞাপন কৰে।
You may also like
দৰমহাৰে নচলা হৈছে সংসাৰ; পদত্যাগ কৰিব বিচাৰিছে ব্ৰিটেইনৰ প্ৰধান মন্ত্ৰী বৰিছ জনছনে!
কম দৰমহাৰ বাবে বহুতেই কোনো চাকৰি এৰি আন চাকৰিলৈ যোৱাতো স্বাভাৱিক ঘটনা। কিন্তু এই একেই কাৰণতে যদি কোনো এখন দেশৰ প্ৰধান মন্ত্ৰীয়ে…
বেয়া সময় শেষ হোৱা নাই কিলিয়ান এমবাপেৰ; এইবাৰ ফ্ৰান্সৰ ৰাষ্ট্ৰীয় দলৰ পৰাও পৰিল বাদ
কিলিয়ান এমবাপেৰ বেয়া সময় যেন শেষ হোৱাই নাই। প্ৰথমে এল ক্লাছিকোত পৰাজয়, তাৰ পিছত এচি মিলানৰ বিৰুদ্ধেও পৰাজয়। দুখন মেচত তেওঁ এটাও…
ৰক্ষকেই ভক্ষক! দুই যুৱকৰ পৰা ৪০ লক্ষাধিক টকা লুণ্ঠন কৰি গ্ৰেপ্তাৰ হ’ল দুই আৰক্ষী, ‘সমাজ সচেতক’সহ চাৰিগৰাকী
জনসাধাৰণৰ নিৰাপত্তা আৰু আইন-শৃংখলা ৰক্ষাৰ দায়িত্বত থকা আৰক্ষী কৰ্মীয়েই বহুসময়ত নিজেই অপৰাধমূলক কাম-কাজত জড়িত হৈ গ্ৰেপ্তাৰৰ সন্মুখীন হোৱা দেখিবলৈ পোৱা গৈছে। সেইদৰে…
২২ জুনৰ পৰা কামাখ্যাত মহা অম্বুবাচী, ব্যাপক প্ৰস্তুতি
সমাগত শক্তিপীঠ কামাখ্যাৰ অম্বুবাচী মেলা। অহা ২২ জুনৰ পৰা ২৬ জুনলৈ কামাখ্যা দেৱোত্তৰৰ অম্বুবাচী মেলাৰ বাবে প্ৰস্তুতি এতিয়া পূৰ্ণোদ্যমে চলিছে। এইবাৰ মেলা…