দহ বৰ্ষীয় নাবালিকা ধৰ্ষণকাৰীক দহ বছৰৰ কাৰাদণ্ড বিহিলে আদালতে
উৰিষ্যাৰ ময়ূৰভঞ্জ জিলাৰ এখন আদালতে এজন ৬৭ বছৰীয়া বৃদ্ধক পাঁচ বছৰ পূৰ্বে এগৰাকী নাবালক ছোৱালীক ধৰ্ষণ কৰাৰ বাবে ১০ বছৰৰ কাৰাদণ্ডৰে দণ্ডিত কৰিছে।
পকচো (POCSO) ৰ ন্যায়াধীশ সুমিতা জেনাই শুকুৰবাৰে ধৰ্ষণকাৰী ভগমত টুডুক দহ বছৰৰ কাৰাদণ্ড বিহাৰ লগতে ১০,০০০ টকাৰ জৰিমনা আৰোপ কৰে।
আদালতে ৰাজ্যিক আইনী সেৱা প্ৰাধিকৰণক ধৰ্ষণৰ বলি হোৱা নাবালিকা গৰাকীক ৩ লাখ টকা পৰিশোধ কৰিবলৈ নিৰ্দেশ দিয়ে।
১০ বছৰীয়া নাবালিকা গৰাকী গাঁৱৰ ওচৰত ছাগলী চৰাবলৈ অৰণ্যলৈ যোৱাৰ সময়তে টুডুৱে ধৰ্ষণ কৰিছিল। ২০১৭ চনৰ ছেপ্তেম্বৰত সংঘটিত হৈছিল এই নাৰকীয় ঘটনা।
কেইবাজনো ব্যক্তিৰ বিবৃতি, চিকিৎসা প্ৰতিবেদন আৰু ১৪ জন সাক্ষীৰ বিবৃতিৰ ওপৰত আধাৰ কৰি আদালতে এই ৰায় প্ৰদান কৰে।