ভাৰতত ৩২ লাখ অতিক্ৰম ক’ৰ’না আক্ৰান্তৰ সংখ্যা; একেদিনাই আক্ৰান্ত ৬৭ হাজাৰৰ অধিক লোক
ভাৰতত ক’ৰ’না ভাইৰাছৰ সংক্ৰমণ দ্ৰুত গতিত বৃদ্ধি পাইছে।
বিগত ২৪ ঘণ্টাত ভাৰতত মুঠ ৬৭,১৫১ গৰাকী লোকৰ শৰীৰত ক’ৰ’না ভাইৰাছৰ উপস্থিতি ধৰা পৰিছে।
ইয়াৰ ফলত ভাৰতত বৰ্তমানলৈ মুঠ ক’ৰ’না আক্ৰান্ত লোকৰ সংখ্যা ৩২,৩৪,৪৭৪ গৰাকীলৈ বৃদ্ধি পালে।
আনহাতে, ভাৰতত চিকিৎসাৰ অন্তত এতিয়ালৈ ক’ৰ’না ভাইৰাছৰ সংক্ৰমণৰ পৰা আৰোগ্য লাভ কৰা লোকৰ সংখ্যাও ২৪,৬৭,৭৫৮ গৰাকীলৈ বৃদ্ধি পাইছে।
বিগত ২৪ ঘণ্টাত দেশৰ বিভিন্ন চিকিৎসালয়ৰ পৰা মুঠ ৬৩,১৭৩ গৰাকী লোক চিকিৎসাৰ অন্তত ক’ৰ’না মুক্ত হৈ নিজ গৃহলৈ উভতি গৈছে।
আনহাতে, ভাৰতত ক’ৰ’নাৰ সংক্ৰমণৰ ফলত মৃত্যু হোৱা লোকৰ সংখ্যাও ৫৯,৪৪৯ গৰাকীলৈ বৃদ্ধি হৈছে।
ভাৰতত বৰ্তমান সময়ত ৭,০৭,২৬৭ গৰাকী সক্ৰিয় ক’ৰ’না ৰোগী বিভিন্ন চিকিৎসালয়ত চিকিৎসাধীন হৈ আছে আৰু নিজ গৃহত আইছ’লেশ্যনত আছে।
আমেৰিকা যুক্তৰাষ্ট্ৰ, ব্ৰাজিল আৰু ভাৰত বিশ্বৰ ভিতৰত সৰ্বাধিক ক’ৰ’না ভাইৰাছৰ ফলত ক্ষতিগ্ৰস্ত হৈছে।