ৰাজ্যত বৃদ্ধি পাইছে ক’ভিডৰ সংক্ৰমণ; কামৰূপ মহানগৰ জিলাৰ পৰিস্থিতি উদ্বেগজনক!
Covid rises in Assam দুৰ্গোৎসৱৰ সামৰণি পৰাৰ সময়তে ৰাজ্যত ক’ভিড সংক্ৰমণৰ হাৰ বৃদ্ধি পাইছে। তদুপৰি, কামৰূপ মহানগৰ জিলাত হঠাতে উদ্বেগজনকভাৱে বৃদ্ধি পাইছে সংক্ৰমণ।
ৰাজ্যত বৃহস্পতিবাৰে নতুনকৈ ৩৮৪জন লোকৰ দেহত ক’ভিড-১৯ৰ সংক্ৰমণ ধৰা পৰে। বুধবাৰে ক’ভিড-১৯ত আক্ৰান্ত হৈছিল ৩০৮ জন লোক।
ৰাজ্যত ক’ভিড পজিটিভ ৰোগীৰ হাৰ হৈছে ০.৬১ শতাংশ।
ৰাজ্যত ২৪ ঘণ্টাত কৰা ৬২,৫৩৬টা কোভিড-১৯ পৰীক্ষাৰ ভিতৰত নতুন ৩৮৪ আক্ৰান্তক চিনাক্ত কৰা হৈছে।
আনহাতে, বৃহস্পতিবাৰে ক’ভিড আক্ৰান্ত হৈ ৪ জন ৰোগীৰ মৃত্যু হয়।
Summary of 21/10/2021
Today’s Total 384
Overall Positivity Percentage (384 cases out of 62,536 test done = 0.61%)
Kamrup(M) 147
Death 4
Recovery Rate 98.40%
— Keshab Mahanta (@keshab_mahanta) October 21, 2021
ইপিনে, কামৰূপ মহানগৰ জিলাত সৰ্বাধিক ১৪৭জনৰ দেহত নতুনকৈ ধৰা পৰিছে ক’ভিডৰ সংক্ৰমণ।
ৰাজ্যখনত ক’ভিডৰ আৰোগ্য হাৰ হৈছে ৯৮.৪০ শতাংশে।
আশংকা কৰা মতেই উৎসৱৰ সময়তে ক’ভিডৰ সংক্ৰমণ বৃদ্ধি পোৱালৈ চাই ৰাজ্যখনৰ ক’ভিড পৰিস্থিতিৰ অৱনতি ঘটাৰ সম্ভাৱনা দেখা গৈছে।
সেইদৰে, ৰাজ্য চৰকাৰে সকলো বিদ্যালয় খুলি দিয়াৰ লগতে ক’ভিড বিধিৰ নিয়ন্ত্ৰণহীন শিথিলতাও ব্যাপক সংক্ৰমণৰ কাৰণ হ’ব পাৰে বুলি আশংকা ব্যক্ত কৰিছে বিভিন্ন মহলে।