দেশত ২৪ ঘণ্টাত ক’ৰ’ণাত আক্ৰান্ত ৫৯ হাজাৰ লোক

দেশত এতিয়া প্ৰতিদিনে ক’ৰ’ণাত আক্ৰান্ত লোকৰ সংখ্য ক্ৰমাৎ বৃদ্ধি পোৱা পৰিলক্ষিত হৈছে।বিগত ২৪ ঘণ্টাত ক’ৰ’ণাত আক্ৰান্ত হৈছে প্ৰায় ৫৯ হাজাৰ লোক।

দেশৰ ১৮ খন ৰাজ্যত এতিয়া পোৱা গৈছে কোভিডৰ নতুন প্ৰজাতি।

এই প্ৰজাতি কোভিড-১৯ তকৈয়ো অধিক মাৰাত্মক বুলি বিজ্ঞানীসকলে প্ৰকাশ কৰিছে।

ভেকচিন ওলাইছে, কিন্তু কোভিডৰ আতংকৰ পৰা মুক্ত হ’ব পৰা নাই দেশ।

দেশত কিছুদিন আগলৈকে কোভিডৰ সংহাৰ বহু পৰিমাণে নিয়ন্ত্ৰণলৈ আহিছিল যদিও শেহতীয়াকৈ পুনৰ কোভিডে মাৰাত্মক ৰূপত মূৰ দাঙি উঠিছে।

বিশ্বৰ অন্যান্য প্ৰান্তৰ লগতে ভাৰততো বৰ্তমান সময়ত কোভিড ভাইৰাছৰ সংক্ৰমণ পুনৰ নতুনকৈ আৰম্ভ হৈছে।

বিগত ২৪ ঘণ্টাত ভাৰতত  ৫৯,০০০ গৰাকী ব্যক্তি কোভিড প’জিটিভ হৈছে।

ভাৰত চৰকাৰৰ স্বাস্থ্য আৰু পৰিয়াল কল্যাণ মন্ত্ৰ্যালয়ে শেহতীয়াভাৱে প্ৰকাশ কৰা তথ্য অনুসৰি ভাৰতত বৰ্তমানলৈ জন।১কোটি ১৭ লাখ ৩৪ হাজাৰ ৫৮ গৰাকী ব্যক্তি কোভিড প’জিটিভ হৈছে।

ভাৰতত বৰ্তমানলৈ কোভিডৰ সংক্ৰমণৰ ফলত ১ লাখ ৬০ হাজাৰ ৪৪১ গৰাকী কোভিড আক্ৰান্তই প্ৰাণ হেৰুৱাইছে।

শেহতীয়াকৈ মহাৰাষ্ট্ৰ, তামিলনাডু, পঞ্জাৱ আদি ৰাজ্যত কোভিডে ভয়ংকৰ ৰূপ ধাৰণ কৰিছে।