অসমত ২১৭৪ নতুন ক’ভিড আৰোগ্য; সক্ৰিয় ৰোগী ২২,২৪০

২১৭৪গৰাকী ব্যক্তিয়ে অসমত ক’ভিড১৯ৰ পৰা আৰোগ্য হৈ বৃহস্পতিবাৰে চিকিৎসালয় এৰিছে।

এইসকলক ধৰি অসমত ক’ভিডৰ পৰা আৰোগ্য লাভ কৰা ব্যক্তিৰ সংখ্যা ৪৯,৩৮৩লৈ বৃদ্ধি পাইছে।

বিপৰীতে অসমত বৰ্তমান সক্ৰিয় ৰোগীৰ সংখ্যা হৈছে ২২,২৪০গৰাকী।

স্বাস্থ্য মন্ত্ৰী হিমন্ত বিশ্ব শৰ্মাই টুইটাৰত এই তথ্য সদৰী কৰিছে।

? Discharge Alert

2⃣1⃣7⃣4⃣ patients discharged today.

Where there is a will, there is a way!

My gratitude to our medical teams for their efforts. We shall win ?

?Total Discharged Patients: 49383
?Active Patients: 22240

9:25 PM/Aug 13#AssamCovidCount #AssamFightsCovid pic.twitter.com/vGUpAEEUPQ

— Himanta Biswa Sarma (@himantabiswa) August 13, 2020

আনহাতে ২৭৯৬গৰাকী ব্যক্তি অসমত বৃহস্পতিবাৰে ক’ভিড১৯ পজিটিভ চিনাক্ত হৈছে।

যোৱা ২৪ ঘণ্টাত সম্পন্ন ৬১,৩১৮টা টেষ্টত এইসকল ব্যক্তি ক’ভিড পজিটিভ চিনাক্ত হৈছে।

বুধবাৰে পজিটিভৰ হাৰ ৩.২ শতাংশ হোৱাৰ বিপৰীতে বৃহস্পতিবাৰে ই ৪.৫৫ শতাংশলৈ বৃদ্ধি পাইছে।

ইফালে আৰু আঠগৰাকী ক’ভিড১৯ ৰোগীয়ে অসমত প্ৰাণ হেৰুৱাইছে আৰু বৃহস্পতিবাৰলৈকে ৰোগবিধত মৃত্যু হোৱা লোকৰ সংখ্যা ১৬৯লৈ বৃদ্ধি পাইছে।

বিপৰীতে অসমত এতিয়ালৈকে চিনাক্ত ক’ভিড পজিটিভ ব্যক্তিৰ সংখ্যা ৭১,৭৯৫লৈ বৃদ্ধি পাইছে।

ইয়াৰে তিনিগৰাকী আন ঠাইলৈ স্থানান্তৰিত হৈছে।