মণিপুৰত ক’ৰ’না আক্ৰান্তৰ সংখ্যা ২০০০ অতিক্ৰম
অসমৰ চুবুৰীয়া ৰাজ্য মণিপুৰত ক’ৰ’না আক্ৰান্ত লোকৰ সংখ্যাই ২০০০ অতিক্ৰম কৰিছে।
মঙলবাৰৰ দিনটোলৈ মণিপুৰত মুঠ ক’ৰ’না আক্ৰান্ত লোকৰ সংখ্যা ২০১৫ গৰাকীলৈ বৃদ্ধি পাইছে।
ৰাজ্যখনত বৰ্তমানলৈ ১৩৮৪ গৰাকী লোকে ক’ৰ’নাৰ সংক্ৰমণৰ পৰা চিকিৎসাৰ অন্তত মুক্তি লাভ কৰাৰ বিপৰীতে এতিয়াও বিভিন্ন চিকিৎসালয়ত ৬৩১ গৰাকী লোক চিকিৎসাধীন হৈ আছে।
বিগত ২৪ ঘণ্টাত মণিপুৰত ৯০ গৰাকী লোকৰ শৰীৰত ক’ৰ’না ভাইৰাছৰ উপস্থিতি ধৰা পৰিছে আৰু ইয়াৰ ভিতৰত ৬৮ গৰাকী পুৰুষ আৰু ২২ গৰাকী মহিলা।
মণিপুৰৰ স্বাস্থ্য বিভাগৰ অতিৰিক্ত সঞ্চালক আৰু মুখপাত্ৰ ড০ খৌইৰম শশীকুমাৰে এই কথা টুইটাৰযোগে ৰাজহুৱা কৰে।
নতুনকৈ ক’ৰ’না আক্ৰান্ত হোৱা লোক কেইগৰাকী পশ্চিম ইম্ফল, পূব ইম্ফল, জিৰিবাম, কাংগপোকপি, টেংগনৌপাল আৰু থৌবালৰ বাসিন্দা।
ক’ৰ’না আক্ৰান্ত হোৱা আটাইকেইগৰাকী লোককে ৰাজ্যখনৰ কোভিড-১৯ কেয়াৰ কেন্দ্ৰত ভৰ্তি কৰোৱা হৈছে।
আনহাতে, বিগত ২৪ ঘণ্টাত মণিপুৰত মুঠ ৬৪ গৰাকী লোক চিকিৎসাৰ অন্তত ক’ৰ’না মুক্ত হৈ নিজ গৃহলৈ উভতি গৈছে।
You may also like
সম্পূৰ্ণ সুস্থ হৈ এইমছৰ পৰা ঘৰলৈ উভতিল কেন্দ্ৰীয় গৃহ মন্ত্ৰী অমিত শ্বাহ
কৰ’নাত আক্ৰান্ত হোৱাৰ পাছত প্ৰথমবাৰ সুস্থ হৈ ঘৰলৈ উভতাৰ পাছত যোৱা ১৮ আগষ্ট্ত কেন্দ্ৰীয় গৃহ মন্ত্ৰী অমিত শ্বাহ পুনৰ নতুন দিল্লীৰ এইমছত…
অহা ফেব্ৰুৱাৰিত পঞ্চায়ত নিৰ্বাচন
অহা ১৫ ফেব্ৰুৱাৰিৰ ভিতৰত অসমৰ পঞ্চায়ত নিৰ্বাচন অনুষ্ঠিত হ’ব বুলি কালি ৰাজ্যিক নিৰ্বাচন আয়ুক্ত এইচ্চ এন বৰাই জানিবলৈ দিয়ে। দুটা পৰ্য্যায়ত সম্পন্ন…
চীনৰ ৰুদ্ধ পৰিবেশত নহয়, ভাৰতৰ মুক্ত গণতন্ত্ৰৰ পৰিবেশত মৃত্যুক সাৱটিব বিচাৰে দালাই লামাই
তিব্বতীয় ধৰ্মগুৰু দালাই লামাই পুনৰ ভাৰতৰ প্ৰতি নিজৰ আনুগত্য ব্যক্ত কৰিলে।শেহতীয়াকৈ তেওঁ কয় যে তেওঁ চীনৰ পৰিৱৰ্তে ভাৰতৰ মুক্ত গণতন্ত্ৰৰ দ্বাৰা পৰিবেষ্টিত…
বেংকৰ গ্ৰাহকলৈ সুখবৰ; অনলাইন বেংকিঙৰ বাবে কোনো মাচুল আদায় কৰিব নোৱাৰিব বেংকে
ক’ৰ’ণাতংকৰ বাবে এতিয়া দেশৰ সকলো প্ৰান্তে মানুহে অনলাইন বেংকিঙৰ বিষয়ত অধিক গুৰুত্ব দিছে। অনলাইন বেংকিঙৰ জৰিয়তে ধনৰ আদান-প্ৰদান কৰোতে সংশ্লিষ্ট বেংকে গ্ৰাহকৰ…