দুই গৰু চোৰে ১০ ঘন্টা ধৰি জ্বলা কলা খুৱালে আৰক্ষী- জনতাক

গোলাঘাট যোৰহাটৰ সীমান্তৱৰ্তী বকলাই অঞ্চলত দুটা গৰু চোৰক কেন্দ্ৰ কৰি  সৃষ্টি হ’ল তীব্ৰ উত্তেজনাৰ ।

তিনিখনকৈ আৰক্ষী চকী ব্যস্ত হৈ পৰিল চোৰ ধৰা অভিযানত ।

১০ ঘন্টা ধৰি গৰু চোৰৰ এটা দলে জ্বলা কলা খুৱালে ৰাইজকো ।

বিভিন্ন ঠাইৰ পৰা চুৰি হোৱা গৰু বিচাৰি প্ৰায় তিনি কিলোমিটাৰ পথ আৰক্ষী আৰু ৰাইজে চলাথ কৰিবলগীয়া হ’ল।

আৰক্ষী আৰু ৰাইজে চুৰি গৰু বিচাৰি চলালে অভিযান। তথাপিও উদ্ধাৰ কৰিবলৈ সক্ষম নহ’ল চুৰি হোৱা গৰু কেইটা।

উল্লেখযোগ্য যে, বকলাই, কাকডোঙা, জোনাকী অঞ্চলত বহু দিনৰে পৰা   চলি আহিছে গৰু চুৰি কাৰ্য।

গৰু চোৰে উক্ত অঞ্চলত সন্ত্ৰাস চলাই অহাৰ সময়তে পুৱতি নিশা বকলাই কুমাৰ গাঁৱত ৰাইজে আটক কৰিবলৈ সক্ষম হয় যদু শইকীয়া আৰু সীমান্ত গগৈ নামৰ দুটা চোৰক।

উক্ত চোৰ দুটাৰ এটা দলে কাকডোঙা অঞ্চলৰ পৰা গৰু চুৰি কৰি গাড়ীৰে লৈ যোৱাৰ সম্ভেদ পোৱা পিছতেই বকলাই কুমাৰ গাঁৱৰ গৰু চোৰ চক্ৰৰ মাষ্টাৰ মাইণ্ড দ্বীজেন বৰাৰ ঘৰলৈ নিশা অহা এই দুটা গৰু চোৰক ৰাইজে হাতেলোটে ধৰিবলৈ সক্ষম হয়।

যদিও গৰু চোৰৰ মাষ্টাৰ মাইণ্ড দ্বীজেন শইকীয়াই পলায়ন কৰিবলৈ সক্ষম হয় ।

প্ৰায় দহ ঘন্টা ধৰি চোৰ দুটাই হাৰাশাস্তি কৰে আৰক্ষী আৰু ৰাইজক।

আৰক্ষীয়ে চুৰি গৰু কেইটা উদ্ধাৰ কৰিবলৈ সক্ষম নহ’ল যদিও ধৃত চোৰ দুটাক থানালৈ লৈ আনে।

ৰাইজে আগন্তুক সময়ত এই দুই চোৰৰ স্বীকোৰোক্তিৰ ভিত্তিতে  দীৰ্ঘদিন ধৰি গোলাঘাটত সন্ত্ৰাস সৃষ্টি কৰি অহা বৃহৎ গৰু চুৰি চক্ৰক আৰক্ষীয়ে ধৰিবলৈ সক্ষম হ’ব বুলি আশা কৰিছে।