CUET UG-2022 Results: প্ৰকাশ পালে CUET UG ফলাফল; চাওক ৰিজাল্ট, কেনেদৰে প্ৰস্তুত কৰা হ’ব মেধাৰ তালিকা?

শুকুৰবাৰে ৰাতিপুৱাই প্ৰকাশ কৰা হ’ল কমন ইউনিৰ্ভাছিটি এন্ট্ৰেন্স টেষ্ট (CUET UG 2022) ফলাফল। প্ৰাৰ্থীসকলে CUETৰ অফিচিয়েল ৱেবছাইট cuet.samarth.ac.in পৰা তেওঁলোকৰ স্কোৰকাৰ্ড চাব পাৰে। প্ৰাৰ্থীসকলে উমৈহতীয়া প্ৰৱেশ পৰীক্ষাৰ জৰিয়তে কেন্দ্ৰীয় বিশ্ববিদ্যালয়ত স্নাতক পৰ্যায়ত (অন্যান্য অংশগ্ৰহণকাৰী বিশ্ববিদ্যালয়সমূহতো) নামভৰ্তি কৰিবলৈ সক্ষম হ’ব।

CUET UG 2022-ৰ ফলাফল কেনেদৰে পৰীক্ষা কৰিব?

১) প্ৰাৰ্থীসকলে CUETৰ অ’ফিচিয়েল ৱেবছাইট cuet.samarth.ac.in লগ ইন কৰিব লাগিব।

২) প’ৰ্টেল খুলিলেই ‘Announcement : Welcome to CUET (UG) – 2022 Portal. Login to view/download Score Card’ দেখা পাব । ওপৰৰ সোঁফালে ‘Sign in’ত ক্লিক কৰক। এটা নতুন পেজ খুলিব।

৩) এপ্লিকেচন নম্বৰ, পাছৱৰ্ড আৰু ছিকিউৰিটি পিনৰ সৈতে লগ ইন কৰক। আপোনাৰ স্কোৰকাৰ্ড স্ক্ৰীণত দেখুওৱা হ’ব। প্ৰাৰ্থীসকলে ভৱিষ্যতৰ বাবে ইয়াক ডাউনলোড কৰি ৰাখিব লাগিব।

মহাবিদ্যালয়ত নামভৰ্তিৰ মেধা তালিকা কেনেদৰে প্ৰস্তুত কৰা হ’ব?

উমৈহতীয়া প্ৰৱেশ পৰীক্ষা CUET ৰ আয়োজক সংস্থা নেচনেল টেষ্টিং এজেন্সিৰ (এনটিএ) মতে মেধা তালিকাখন সংশ্লিষ্ট বিশ্ববিদ্যালয়ৰ দ্বাৰা প্ৰস্তুত কৰা হ’ব। প্ৰতিখন বিশ্ববিদ্যালয়ে CUET ত প্ৰাপ্ত নম্বৰৰ ওপৰত ভিত্তি কৰি কাউন্সিলিঙৰ নিজা তালিকা প্ৰস্তুত কৰিব। একে সময়তে, এনটিএ-য়ে কৈছে যে প্ৰাৰ্থীসকলে নামভৰ্তিৰ বাবে আবেদন কৰা বিশ্ববিদ্যালয়খনত সংশ্লিষ্ট প্ৰাৰ্থীৰ নম্বৰ (CUET UG ত প্ৰাপ্ত নম্বৰ) জনাই দিয়া হ’ব।

উল্লেখ্য যে এই বছৰ মুঠ ছয়টা ৰাউণ্ডৰ CUET UG পৰীক্ষা অনুষ্ঠিত কৰা হৈছিল। পৰীক্ষাটো ১৫ জুলাইত আৰম্ভ হৈছিল আৰু ৩০ আগষ্টলৈকে চলিছিল। মুঠ ১৪.৯ লাখ প্ৰাৰ্থীয়ে পঞ্জীয়ন কৰিছিল। চতুৰ্থ পৰ্যায়ত সৰ্বাধিক ৩.৭২ লাখ প্ৰাৰ্থীৰ পঞ্জীয়ন কৰা হৈছিল।

প্ৰাৰ্থীসকলে দেশৰ ৯০ খন বিশ্ববিদ্যালয়ৰ ৫৪,৫৫৫ টা ছাবজেক্ট কম্বিনেশ্যনৰ বাবে আবেদন কৰিছিল। প্ৰশ্নকাকত মুঠ ১৩ টা ভাষাত (ইংৰাজী, হিন্দী, বঙালী, গুজৰাটী, অসমীয়া, কানাড়া, মালায়ালম, মাৰাঠী, ওড়িয়া, পাঞ্জাৱী, তামিল, তেলেগু আৰু উৰ্দু) প্ৰস্তুত কৰা হৈছিল।