ডিছক’ভাৰীত ‘মিছ’ কৰাসকলে আজি দূৰদৰ্শনত চাব পাৰিব মোদীৰ মেন ভাৰ্ছেছ ৱাইল্ড শ্ব’
বীয়াৰ গ্ৰীলছৰ জনপ্ৰিয় আৰু বহু চৰ্চিত শ্ব’ মেন ভাৰ্ছেছ ৱাইল্ডত অংশ লোৱা ভাৰতৰ প্ৰথমগৰাকী প্ৰধান মন্ত্ৰী তথা ৰাজনীতিক হৈছে নৰেন্দ্ৰ মোদী।
ডিছক’ভাৰী চেনেলত এই শ্ব’টো ১২ আগষ্টত বিশ্বৰ ১৮০ খন দেশত ৮ টা ভাষাত সম্প্ৰচাৰিত হৈছিল।
জংঘলত পৰিৱেশৰ চিন্তা ব্যক্ত কৰা বিষয়ৰ মোদীৰ এই শ্ব’টো চাবলৈ লোকৰ মাজত প্ৰবল উৎসাহ দেখা গৈছিল।
অৱশ্যে, শ্ব’’টোৰ সম্প্ৰচাৰ ইয়াৰ পাৰ্টনাৰ চেনেলত হোৱা বাবে ভাৰতৰ এক বৃহৎ সংখ্যক লোকে উত্তৰাখণ্ডৰ জিম কৰবেট উদ্যানত প্ৰধান মন্ত্ৰী মোদীৰ ৰোমাঞ্চকৰ যাত্ৰা চোৱাৰ পৰা বঞ্চিত হয়।
Those, who missed the episode #ManVsWild with Bear Grylls and PM @narendramodi on #DiscoveryChannel today, can watch it tomorrow August 13, 2019 on @DDNational at 9 PM.@DDNewsHindi @airnewsalerts
— Prakash Javadekar (@PrakashJavdekar) August 12, 2019
যিসকলৰ ডিছক’ভাৰী চেনেল নাই, তেওঁলোকৰ বাবে কেন্দ্ৰীয় তথ্য আৰু সম্প্ৰচাৰ মন্ত্ৰালয়ে শ্ব’টো প্ৰদৰ্শনৰ বিশেষ ব্যৱস্থা লৈছে।
কেন্দ্ৰীয় তথ্য আৰু সম্প্ৰচাৰ বিভাগৰ মন্ত্ৰী প্ৰকাশ জাভেদকাৰে টুইটযোগে এই কথা প্ৰকাশ কৰিছে।
‘’যিসকলে ডিছক’ভাৰী চেনেলত বীয়াৰ গ্ৰীলছ আৰু প্ৰধান মন্ত্ৰী মোদীৰ মেন ভাৰ্ছেছ ৱাইল্ড শ্ব’টো চাব নাপালে তেওঁলোকে ১৩ আগষ্টত ডি ডি নেশ্যনেলত নিশা ৯ বজাত শ্ব’টো চাব পাৰিব,’’-তেওঁ লিখিছে।
দুৰদৰ্শনত শ্ব’টো সম্প্ৰচাৰ হ’লে বৃহৎ সংখ্যক লোকে শ্ব’টো চোৱাৰ সুবিধা পাব।
ইপিনে, দূৰদৰ্শনৰ ফালৰ পৰা জানিব দিয়ে যে মেন ভাৰ্ছেছ ৱাইল্ডৰ মোদীৰ বিশেষ শ্ব’টো টুইটাৰৰ টপ ট্ৰেণ্ডিঙত আছে।
ভাৰতত টুইটাৰত #modiondiscovery দ্বিতীয় স্থানত থকাৰ বিপৰীতে গোটেই বিশ্বতে ই বিশ নম্বৰত ট্ৰেণ্ডত আছে।