গুৱাহাটীৰ বেলতলাত উদ্ধাৰ যুৱকৰ অৰ্ধগলিত মৃতদেহ, প্ৰকৃততে হৈছিল কি?

শুকুৰবাৰে গুৱাহাটীৰ বেলতলা অঞ্চলৰ এটা তলাবন্ধ কোঠাৰ ভিতৰত উদ্ধাৰ হয় এজন লোকৰ পচি যোৱা মৃতদেহ।

প্ৰাথমিক খবৰ অনুসৰি মৃত ব্যক্তিজনৰ মৃতদেহ বেলতলা বজাৰৰ সমীপত থকা ভাড়াঘৰত উদ্ধাৰ হয়।

নিহত যুৱকজনৰ নাম শ্বাহনৱাজ মালিক। তেওঁ তেওঁৰ পিতৃৰ সৈতে বেলতলাৰ এটা ভাড়াঘৰত বাস কৰিছিল।

দেউতাক বিহাৰলৈ যোৱাৰ পিছত অকলে আছিল শ্বাহনৱাজ।

খবৰ অনুসৰি মৃত ব্যক্তিজনে বেলতলাত এছ শ্বু চাইন নামৰ জোতাৰ দোকান এখন চলাইছিল।

ইফালে দিছপুৰ আৰক্ষী থানাৰ এটা বিষয়াৰ দলে ঘটনাস্থলীত উপস্থিত হৈ বিষয়টোৰ তদন্ত আৰম্ভ কৰে।

শ্বাহনৱাজৰ মৃত্যুৰ কাৰণ হত্যা নে আত্মহত্যা সেয়া এতিয়াও স্পষ্ট হোৱা নাই।