প্ৰদূষণ ৰোধৰ বাবে দিল্লীত আপ চৰকাৰৰ বিশেষ পদক্ষেপ : ব্যৱহাৰ কৰিব ইলেক্ট্ৰিক গাড়ী
দিল্লী চৰকাৰৰ সকলো বিভাগে কেৱল ইলেক্ট্ৰিক বাহন ব্যৱহাৰ কৰিব। উপমুখ্যমন্ত্ৰী মনিষ চিচ’দিয়াই বৃহস্পতিবাৰে এই কথা ঘোষণা কৰে।
তেওঁ জনায় যে অহা ছমাহৰ ভিতৰত এই ইলেক্ট্ৰিক বাহনসমূহৰ ব্যৱস্থা কৰা হ’ব। উল্লেখযোগ্য যে দিল্লী চৰকাৰৰ বিভিন্ন বিভাগত ২,০০০খনৰো অধিক বাহন আছে।
তদুপৰি তেওঁ আশা প্ৰকাশ কৰে যে তেওঁলোকৰ এই সিদ্ধান্তটোৱে দেশখনৰ আন চহৰসমূহকো প্ৰদূষণ নিয়ন্ত্ৰণ আৰু জলবায়ু পৰিবৰ্তন ৰোধৰ ক্ষেত্ৰত উৎসাহ যোগাব।
This will go a long way in curbing pollution in Delhi.
Delhi is fast becoming a modern city. Every Indian is proud of Delhi https://t.co/8M0UZeLuCf
— Arvind Kejriwal (@ArvindKejriwal) February 25, 2021
ইয়াৰ দুদিন পূৰ্বে আম আদমী পাৰ্টি নেতৃত্বাধীন চৰকাৰখনে ‘‘চুইছ দিল্লী’’ নামৰ কেম্পেইন এটাৰ আৰম্ভণি কৰিছিল। ইয়াৰ লক্ষ্য হৈছে ব্যক্তিগত গাড়ীৰ মালিকসকলে ইলেক্ট্ৰিক বাহনৰ ব্যৱহাৰ কৰা।
তদুপৰি চৰকাৰে এই কেম্পেইনটোত কৈছে যে গাড়ীসমূহ চাৰ্জ দিবৰ বাবে চহৰখনত চাৰ্জিং পইণ্টৰ ব্যৱস্থা কৰা হ’ব।
উল্লেখযোগ্য যে বিশ্বৰ সৰ্বাধিক প্ৰদূষিত চহৰ নতুন দিল্লীৰ জলবায়ু অস্বাস্থ্যকৰ হিচাপে পৰিগণিত হৈ আহিছে। তদুপৰি প্ৰদূষণৰ বাবে সঘন জলবায়ু পৰিবৰ্তনৰ দৃষ্টান্তও চহৰখনৰ আছে।