১ জানুৱাৰীত ১০ বছৰ সম্পূৰ্ণ কৰা সকলো ডিজেল বাহনৰ পঞ্জীয়ন বাতিল কৰিব দিল্লীয়ে
ৰাষ্ট্ৰীয় সেউজ ন্যায়াধিকৰণৰ নিৰ্দেশনা অনুসৰি দিল্লী চৰকাৰে অহা বৰ্ষৰ প্ৰথম দিনাই ১০ বছৰ সম্পূৰ্ণ কৰিব পৰা সকলো ডিজেল বাহনৰ পঞ্জীয়ন বাতিল কৰিব আৰু আপত্তি বিহীন প্ৰমাণপত্ৰ (NOC) জাৰী কৰিব।
অৱশ্যে দিল্লী পৰিবহণ বিভাগে এই সপ্তাহৰ আৰম্ভণিতে জাৰি কৰা এক নিৰ্দেশ অনুসৰি ইয়াৰ বাবে আবেদন কৰাৰ তাৰিখত ১৫ বছৰ বা অধিক সময় সম্পূৰ্ণ কৰা ডিজেল বাহনৰ বাবে কোনো NOC জাৰী কৰা নহ’ব।
ৰাষ্ট্ৰীয় সেউজ ন্যায়াধিকৰণে দিল্লী-এনচিআৰ (ৰাষ্ট্ৰীয় ৰাজধানী অঞ্চল)ত ১০ বছৰতকৈ অধিক পুৰণি ডিজেল বাহন আৰু ১৫ বছৰতকৈ অধিক পুৰণি পেট্ৰ’ল বাহনৰ পঞ্জীয়ন আৰু চলাচলৰ ওপৰত নিষেধাজ্ঞা সম্পৰ্কীয় নিৰ্দেশনা জাৰি কৰিছে।
২০১৬ চনৰ জুলাইৰ এক নিৰ্দেশত ন্যায়াধিকৰণে কৈছিল যে ১০ বছৰতকৈ অধিক পুৰণি ডিজেল বাহনৰ পঞ্জীয়ন বাতিল কৰাৰ নিৰ্দেশনা কাৰ্যকৰীভাৱে পালন কৰা হ’ব।
পৰিবহণ বিভাগৰ নিৰ্দেশত কোৱা হৈছে যে “সেই অনুসৰি, বিভাগটোৱে ২০২২ চনৰ ১ জানুৱাৰীত দিল্লীত এনে সকলো ডিজেল বাহন পঞ্জীয়নমুক্ত কৰিব, যিবোৰে সেই তাৰিখত ১০ বছৰ সম্পূৰ্ণ কৰিছে বা সম্পূৰ্ণ কৰিব।”
You may also like
দেশৰ স্বচ্ছ প্ৰসিদ্ধ স্থলৰ তৃতীয় স্থানত কামাখ্যা দেৱালয়
স্বচ্ছ ভাৰত অভিযানৰ অংশস্বৰূপে অনুষ্ঠিত হোৱা স্বচ্ছ প্ৰসিদ্ধ স্থান শিতানত অসমৰ প্ৰসিদ্ধ কামাখ্যা দেৱালয়ে ভাৰতৰ ভিতৰত তৃতীয় স্বচ্ছ স্থানৰ খিতাপ অৰ্জন কৰে।…
বিবাহৰ মাত্ৰ এমাহ উকলিছিল, মাওবাদীৰ আক্ৰমণত শ্বহীদ হ’ল অসমৰ সুনীল
সন্ত্ৰাসবাদীৰ আক্ৰমণত প্ৰাণ আহুতি দিয়া নলবাৰীৰ বীৰ জোৱান নিৰোদ শৰ্মাৰ মৃত্যুত ৰাজ্যবাসী শোকস্তব্ধ হৈ থকাৰ সময়তে আহিল আন এটা দুখবৰ। সন্ত্ৰাসবাদীৰ আক্ৰমণত…
‘কোনো সংঘাত নাই, আমি একত্ৰিত’, ব্ৰেকফাষ্ট টেবুল আলোচনাৰ অন্তত ঘোষণা শিৱকুমাৰ-সিদ্দাৰামায়াৰ
শনিবাৰে পুৱা দক্ষিণৰ দুই কংগ্ৰেছ নেতা ডি কে শিৱকুমাৰ আৰু সিদ্দাৰামায়াক একেলগে মুখ্যমন্ত্ৰীৰ চৰকাৰী বাসভৱন ‘কাৱেৰী’ত ব্ৰেকফাষ্ট টেবুলত দেখা গ’ল। কংগ্ৰেছে সেই…
সীমান্তত বাজিছে যুদ্ধৰ দামামা: লাডাখত উপস্থিত ভাৰতীয় সেনাৰ মুৰব্বী নাৰাভানে
চীন-ভাৰত সীমান্তত বাজি উঠিছে যুদ্ধৰ দামামা। কোন মুহূৰ্তত আগ্ৰাসনবাদী চীনে ভাৰতৰ ওপৰত জঁপিয়াই পৰে তাৰ কোনো নিশ্চয়তা নোহোৱা হৈ পৰিছে। ইপিনে আমেৰিকাই…