ল’কডাউনত মহানগৰ বাসীয়ে ঘৰতে লাভ কৰিব মাংস; জিলা প্ৰশাসনে মুকলি কৰিলে নম্বৰ
গুৱাহাটী মহানগৰবাসীৰ বাবে মাংস যোগানৰ বিশেষ পদক্ষেপ গ্ৰহণ কৰিছে মহানগৰ জিলা প্ৰশাসনে।
ল’কডাউনৰ সময়ত মাংসৰ দোকান বন্ধ হৈ থকাৰ পৰিপ্ৰেক্ষিতত মাত্ৰ এটা ফোন কৰিলেই মহানগৰীৰ জনসাধাৰণে ঘৰতে মাংস লাভ কৰিব পাৰিব।
আনহাতে, জিলা প্ৰশাসনে মাংসৰ দাম নিৰ্ধাৰণ কৰি দিছে।
সেই অনুসৰি জীৱিত ব্ৰইলাৰ কুকুৰাৰ প্ৰতিকেজিত ১৫০ টকা আৰু কটা মাংসৰ প্ৰতিকেজিত ২২০ টকা নিৰ্ধাৰণ কৰা হৈছে।
আনহাতে, কিছু সংখ্যক স্থানত মাংসৰ বাবে প্ৰশাসনে ব্যৱস্থাও গ্ৰহণ কৰিছে। বিক্ৰেতা সকলৰ সৈতে ফোন নম্বৰ মুকলি কৰিছে জিলা প্ৰশাসনে।
শনিবাৰৰ পৰা কাৰ্য্যকৰী হোৱাকৈ প্ৰশাসনে এই তালিকা মুকলি কৰি দিছে।
গণেশগুৰিৰ বাবে ৭৬৩৬০০৯৯৫৫,জু ৰোডৰ বাবে ৭৮৯৬৮৮৬৮৬১,চান্দমাৰীৰ বাবে ৯৯৫৭৭৭৩০৭৫, শিলপুখুৰীৰ বাবে ৮০১১৫৯০৪৫১, বেলতলাৰ বাবে ৯৪৩৫১৪৮৭৫১, হাতীগাঁৱৰ বাবে ৯৯৫৭০৮৭৯৭৩ আৰু ভঙাগড়ৰ বাবে ৯৯৫৭৯৫৩৩৯১ নম্বৰত গ্ৰাহক সকলে ফোন কৰি কৰি মাংসৰ অৰ্ডাৰ কৰিব পাৰিব।
তদুপৰি, সমগ্ৰ গুৱাহাটীৰ বাবে প্ৰশাসনে এটাই নম্বৰ দিছে। গুৱাহাটীৰ বাবে দিয়া নম্বৰটো হৈছে ৭০০২৫৫১৮২০।
জিলা প্ৰশাসনে ল’কডাউনৰ সময়তে জনসাধাৰণক চৰকাৰ-প্ৰশাসনে বান্ধি দিয়া নীতি-নিৰ্দেশনা বজাই ৰাখি ঘৰত আৱদ্ধ হৈ থাকিবৰ বাবে অনুৰোধ জনায়।