প্ৰতিদিনেই ব্ৰেকফাষ্টত পাওৰুটি খাই নেকি? জানক এইকেইটা ফলাফল…

ৰাতিপুৱা যেতিয়া সন্তানক স্কুললৈ পঠিয়াব লাগে তেতিয়া আপোনাৰ স্বামী, নিজৰ বা পৰিয়ালৰ বাকীসকলৰ বাবে ব্ৰেকফাষ্ট প্ৰস্তুত কৰিবলৈ হাতত সময় নাথাকে। দ্ৰুতগতিত ব্ৰেকফাষ্ট বনাবলৈ আপুনি ব্ৰেডৰ ওপৰত নিৰ্ভৰ কৰি আছে নেকি! মাখনযুক্ত টোষ্টেই হওক বা চেণ্ডুইচেই হওক, এই আড়ম্বৰপূৰ্ণ ব্ৰেকফাষ্টৰ প্ৰতি যথেষ্ট অভ্যস্ত হৈ পৰিছে। এই ব্যঞ্জনবোৰ বহুতৰে দৈনন্দিন ব্ৰেকফাষ্টৰ নিয়মত পৰিণত হৈছে। কিন্তু সঁচাকৈয়ে প্ৰতিদিনে ব্ৰেকফাষ্টত ৰুটি খোৱাটো উচিতনে?

বিশেষজ্ঞসকলে কয় যে, আপুনি খাদ্য তালিকাত ৰুটি অন্তৰ্ভুক্ত কৰিব পাৰে, কিন্তু প্ৰতিদিনে নহয়। তেওঁলোকৰ পৰামৰ্শ হ’ল স্বাস্থ্যজনিত কাৰণত ৰুটি খোৱা কম কৰা। কিন্তু ঠিক কিয় এনে নিদান দিয়া হৈছে? তেওঁলোকে কয় যে প্ৰতিদিনে ৰুটি খালে এবিএছ বা অটো-ব্ৰুৱেৰী ​​চিনড্ৰম হোৱাৰ সম্ভাৱনা বৃদ্ধি পায়। এইটো এটা বিৰল অন্ত্ৰৰ ৰোগ যিয়ে আমাৰ পাচন প্ৰক্ৰিয়াত প্ৰভাৱ পেলায়। শৰীৰৰ ৰোগ প্ৰতিৰোধ ক্ষমতা হ্ৰাস কৰে। ইয়াৰ ফলত পেট ফুলা, বদহজম, তেজৰ চেনি বৃদ্ধি, শৰীৰত পুষ্টিকৰ উপাদানৰ অভাৱ, ওজন বৃদ্ধি আদি একাধিক সমস্যাৰ সৃষ্টি হ’ব পাৰে।

বিশেষজ্ঞসকলে দাবী কৰিছে যে যিহেতু ৰুটিত আটা, কাৰ্বহাইড্ৰেট, চেনিৰ মিশ্ৰণ থাকে, সেয়েহে ইয়াৰ দৈনিক খোৱাটো কেতিয়াও স্বাস্থ্যকৰ নহয়। পুষ্টিবিদসকলেও ৰুটি তৈয়াৰ কৰা পদ্ধতিক লৈ সন্দেহ প্ৰকাশ কৰিছে। তেওঁলোকৰ মতে ৰুটি বনোৱাৰ সময়ত ভেঁকুৰৰ সংক্ৰমণৰ সম্ভাৱনা থাকে। ফলত বহু ক্ষেত্ৰত ইয়াৰ প্ৰত্যক্ষ প্ৰভাৱ পাচন প্ৰক্ৰিয়াত পৰে। ইয়াৰ ফলত মূৰ ঘূৰোৱা আৰু টোপনি অহাও হ’ব পাৰে। ডাঃ মিকি মেহতাই নিজৰ ছ’চিয়েল মিডিয়া পেজত এটা সজাগতামূলক ভিডিঅ’ বাৰ্তা প্ৰেৰণ কৰি সাধাৰণ জনতাক এই বিষয়ত সজাগ কৰি তুলিছে। তাত তেওঁ এবিএছ চিণ্ড্ৰমৰ বিষয়ে বিতংভাৱে আলোচনা কৰে। এই সমস্যাৰ পৰা হাত সাৰিবলৈ কি কৰিব লাগে সেই বিষয়েও তেওঁ পৰামৰ্শ দিলে। ৰুটিৰ ক্ষতিকাৰক প্ৰভাৱৰ পৰা হাত সাৰিবলৈ তেওঁ ইছাবগোল নিয়মিতভাৱে সেৱন কৰাৰ পৰামৰ্শ দিছিল। ইছাবগোলৰ নিয়মিত ব্যৱহাৰে বদহজমৰ পৰা উপশম ঘটাব পাৰে আৰু অন্ত্ৰ সুস্থ কৰি ৰাখিব পাৰে। আপুনিও পাওৰুটিক খাদ্যৰ নিয়মীয়া অংশ হিচাপে লোৱাৰ আগতে বিশেষজ্ঞৰ পৰামৰ্শ বিবেচনা কৰিব পাৰে।