বৈদেশিক মন্ত্ৰী এছ জয়শংকৰৰ কন্যাক চিনি পায়নে? কি কৰে জয়শংকৰৰ জীয়ৰীয়ে?
পিতৃৰ সমানেই জনপ্ৰিয় বৈদেশিক মন্ত্ৰী জয়শংকৰৰ কন্যা। কিন্তু দেউতাকৰ দৰে কূটনীতিৰ প্ৰতি তেওঁৰ আগ্ৰহ নাই। তেওঁৰ আগ্ৰহ চিনেমা জগতখনৰ প্ৰতি।
অৱশ্যে পিতৃৰ দৰেই মেধাৱী তেওঁ। আজি আপোনাৰ ক’বলৈ ওলাইছোঁ বৈদেশিক মন্ত্ৰী এছ জয়শংকৰৰ কন্যাৰ বিষয়ে।
দিল্লীৰ জৱাহৰলাল নেহৰু বিশ্ববিদ্যালয়ৰ ছাত্ৰ এছ জয়শংকৰে প্ৰথমে বিশ্ববিদ্যালয়তেই প্ৰথম পত্নী শোৱৰক লগ পাইছিল। কিন্তু কৰ্কট ৰোগত আক্ৰান্ত হৈ তেওঁৰ মৃত্যু হয়।
ইয়াৰ পিছত জয়শংকৰক ১৯৯৬ চনত জাপান মিছনৰ উপ-মূৰব্বী হিচাপে নিযুক্তি দিয়া হয়। ব্যৱসায়ৰ বাবে জাপানত থকাৰ সময়তে তেওঁ দ্বিতীয় পত্নী কিয়কোছ’মেকাৱাক লগ পায়। তেওঁলোকৰ দুই পুত্ৰ ধ্ৰুৱ আৰু অৰ্জুন আৰু এগৰাকী কন্যা মেধা।
জয়শংকৰৰ একমাত্ৰ জীয়ৰী মেধাৰ ঘৰ আমেৰিকাৰ লছ এঞ্জেলছত। তেওঁ সংগীত আৰু চলচ্চিত্ৰক কেৰিয়াৰ হিচাপে গ্ৰহণ কৰিছে। আমেৰিকাৰ এখন বিশ্ববিদ্যালয়ত শিক্ষা সাং কৰি মেধাই প্ৰথমে ইমেজ কাষ্টমাৰ হিচাপে কাম কৰিবলৈ আৰম্ভ কৰে। তাৰ পিছত তেওঁ গৱেষক আৰু কেমেৰা অপাৰেটৰ হিচাপে কাম কৰিছিল। মেধাই কেইবাখনো চিনেমা সম্পাদনাও কৰিছে।
আচলতে পিতৃয়েই মেধাক এই কেৰিয়াৰ বাচি ল’বলৈ উৎসাহিত কৰিছিল। আচলতে জয়শংকৰে ৮০ৰ দশকৰ গীতবোৰ ভাল পাইছিল। সৰুৰে পৰা পিতৃৰ লগত এই গীতবোৰেই শুনি ডাঙৰ হৈছিল মেধা।
সৰুৰে পৰা চিনেমাৰ প্ৰতি মেধাৰ বৰ আগ্ৰহ আছিল। সৰুতে তেওঁ পিটাৰ গেব্ৰিয়েলৰ মিউজিক ভিডিঅ’ ‘বিগ টাইম’ শুনি শব্দ উচ্চাৰণ কৰিবলৈ শিকিছিল। ‘দ্য ব্লুজ ব্রাদাৰ্ছ’ চিনেমাখনৰ দ্বাৰা তেওঁ প্ৰভাৱিত হৈছিল। এই চিনেমাখনৰ সংলাপ আৰু নৃত্যৰ তেওঁ সৰুতেই শিকি পেলাইছিল। মেধাই সৰুতে ঘৰৰ সদস্যৰ লগত বিভিন্ন মুহূৰ্তৰ ভিডিঅ’ বনাইছিল। তাৰ পিছত তাত পপ গীত যোগ কৰিছিল।
কেৱল সেয়াই নহয়, সাংবাদিকতাৰ প্ৰতিও তেওঁৰ আগ্ৰহ আছে। তেওঁ বিবিচিৰ চলচ্চিত্ৰ সমালোচনা অনুষ্ঠান টকীজ মুভিজত সাংবাদিক হিচাপে কাম কৰিছিল। মেধাই আমেৰিকালৈ যোৱাৰ আগতে ভাৰততো কাম কৰিছিল। তেওঁ প্ৰযোজনা কৰাৰ লগতে সম্পাদনাও কৰে। তেওঁ ফেচলিফ্ট নামৰ এখন চুটি ছবি নিৰ্মাণ কৰিছিল। বিদেশত কাম কৰাৰ উপৰিও মেধাই ভাৰততো কাম কৰে।
মেধাই মাজে মাজে ভাৰত ভ্ৰমণ কৰে। ৰিলায়েন্স, মুম্বাই মন্ত্ৰৰ দৰে কেইবাটাও মনোৰঞ্জন কোম্পানীত কনচালটেণ্ট হিচাপে কাম কৰি আহিছে মেধাই। কেইবাটাও মিউজিক ভিডিঅ’ নিৰ্মাণ কৰিছে। বৰ্তমান ইনষ্টাগ্ৰাম আৰু টুইটাৰত মেধাক লৈ এক ডাঙৰ ট্ৰেণ্ড চলি আছে।