চতিয়াত হেৰ’ইনসহ সৰবৰাহকাৰীক আটক

বিশ্বনাথ আৰক্ষীয়ে বুধবাৰে হেৰ’ইনসহ এজন সৰবৰাহকাৰীক আটক কৰিবলৈ সক্ষম হৈছে।

বিশ্বনাথ আৰক্ষীৰ উপ আৰক্ষী অধীক্ষক মুজাফৰ হুছেইনৰ নেতৃত্বত চতিয়া আৰক্ষীৰ সহযোগত ফাৰুক আহমেদ নামৰ লোকজনক আটক কৰিবলৈ সক্ষম হয়৷

গোপন সূত্ৰৰ পম খেদি আজি বিশ্বনাথ জিলাৰ পশ্চিম সীমা দিকৰাই নদীৰ সমীপত আৰক্ষীয়ে তালাচী চলায় গুৱাহাটীৰ পৰা লক্ষীমপুৰ অভিমুখী “কৰিস্মা” নামৰ এখন যাত্ৰীবাহী বাছত।

আৰু অভিযানত যুৱকজনৰ বেগত উদ্ধাৰ হয় হেৰ’ইনখিনি৷

নগাঁৱৰ চলচলিৰ ফাৰুক আহমেদে নগাঁৱৰ পৰা অৰুণাচল প্ৰদেশৰ বান্দৰদোৱালৈ সৰবৰাহ কৰি আনিছিল হেৰ’ইনখিনি৷

আটকাধীন ফাৰুকে এটা বেগৰ ভিতৰত দহটাকৈ প্লাষ্টিকৰ বক্সৰ ভিতৰত আনিছিল হেৰ’ইনখিনি৷

আৰক্ষীয়ে দিয়া তথ্য অনুসৰি ১২৬গ্ৰাম হেৰ’ইনখিনিৰ বজাৰ মূল্য প্ৰায় ৭-৮ লাখ টকাৰ হ’ব বুলি আৰক্ষীয়ে অনুমান কৰিছে৷

সম্প্ৰতি বিশ্বনাথ আৰক্ষীয়ে অধিক তথ্যৰ বাবে হেৰ’ইন সৰবৰাহকাৰী ফাৰুকক জেৰা অব্যাহত ৰাখিছে৷