শিৱসাগৰত ড্ৰাগচ ব্যৱসায়ীৰ চুৰিৰ আক্ৰমণত যুৱক আহত
শিৱসাগৰত সংঘটিত হৈছে এক চুৰিকাঘাটৰ ঘটনা। নগৰখনৰ বাবুপট্টিত উক্ত ঘটনাটো সংঘটিত হয়।
জানিব পৰা মতে তৌফিক শ্বাহ নামৰ যুৱকজনে বাবুপট্টিৰ অংকুৰজ্যোতি বৰুৱা নামৰ এজন যুৱকক চুৰিৰে আঘাত কৰে।
ফোন যোগে তৌফিকে অংকুৰক বাবুপট্টিলৈ মাতি আনে আৰু ছুৰিৰে আঘাট কৰি ঘটনাস্থলীৰ পৰা পলায়ন কৰে বুলি আহত অংকুৰজ্যোতি বৰুৱাই জানিবলৈ দিয়ে।
কি কাৰণত তৌফিকে অংকুৰক চুৰিৰে আঘাট কৰিলে সেই বিষয়ে বাতৰি যুগুত কৰা সময়লৈকে জানিব পৰা হোৱা নাই।
উল্লেখযোগ্য যে তৌফক শ্বাহৰ লগতে অংকুৰজ্যোতি বৰুৱা নামৰ যুৱকজন ড্ৰাগচ সৰবৰাহৰ ঘটনাত জড়িত হৈ কাৰাবাস খাটিবলগীয়া হৈছিল।
লকডাউন আৰু সান্ধ্য আইনৰ মাজতে ড্ৰাগচ মাফিয়াই কিদৰে ৰাজপথতে যুৱকক ছুৰিৰে আক্ৰমণ কৰিব পাৰিলে তাকে লৈ নগৰখনত ব্যাপক প্ৰতিক্ৰিয়াৰ সৃষ্টি হৈছে।