ড্ৰাগছৰ বৃহৎ ঘাটি উৎখাত; নাগালেণ্ড আৰক্ষীৰ দুজন জোৱানসহ ৩ জন লোকক গ্ৰেপ্তাৰ
প্ৰতিনিধিত্বমূলক চিত্ৰ
দেওবাৰে নিশা গোলাঘাট জিলাৰ মেৰাপানীত নিৰাপত্তাৰক্ষীৰ দলে অভিযান চলাই ড্ৰাগছৰ এটা ঘাটি উৎখাত কৰে।
জানিব পৰা মতে কালি নিশা আৰক্ষী আৰু চি আৰ পি এফৰ এটা যুটীয়া অভিযানকাৰী দলে কৰিম আলী নামৰ এজন লোকৰ ঘৰত অভিযান চলাই বহৎ পৰিমাণৰ নিচাজাতীয় টেবলেট জব্দ কৰে।
অভিযানকাৰীয় দলটোৱে কৰপিম আলী নামৰ লোকজনক গ্ৰেপ্তাৰ কৰাৰ লগতে নাগা আৰ্মড পুলিচৰ দুগৰাকী জোৱানকে গ্ৰেপ্তাৰ কৰিবলৈ সক্ষম হয়।
নাগা আৰ্মড পুলিচৰ জোৱান দুজনৰ এজন ভাণ্ডাৰীৰ ৰোলেন ল’থা আৰু আনজন ওখা বুলি চিনাক্ত কৰে।
এই লোক কেইজনক নাৰ্কটিক ড্ৰাগছ এণ্ড চাইক’ট্ৰপিক ছাবটেন্সেছ এক্টৰ ২১ বি ধাৰৰ অধীনত সগ্ৰেপতাৰ কৰা বুলি জানিবলৈ দিয়ে।
ইফালে এই লোক কেইজনক আজি গোলাঘাটৰ মুখ্য ন্যায়িক দণ্ডধীশৰ আদালতে জেইল হাজোতলৈ প্ৰেৰণ কৰে।