অসম ৰাইফলছ-মিজোৰাম আৰক্ষীৰ যুটীয়া অভিযান: ম্যানমাৰ সীমান্তত উদ্ধাৰ ১৬৭ কোটিৰো অধিক মূল্যৰ ড্ৰাগছ
অসম ৰাইফলছ আৰু মিজোৰাম আৰক্ষীৰ এক যুটীয়া অভিযানত শুকুৰবাৰে ম্যানমাৰ সীমান্তৰ কাষৰীয়া চম্ফাই জিলাত ১৬৭.৮৬ কোটি টকা মূল্যৰ বৃহৎ পৰিমাণৰ মেথাম্ফেটামিন টেবলেট জব্দ হয়।
এগৰাকী শীৰ্ষ আৰক্ষী বিষয়াই জানিবলৈ দিয়া মতে জিলাখনৰ মেলবুক নামৰ এখন গাঁৱত অসম ৰাইফলছৰ চেৰছিপ বেটেলিয়ন আৰু ৰাজ্যিক আৰক্ষীয়ে নিৰ্দিষ্ট তথ্যৰ আধাৰত এক অভিযান আৰম্ভ কৰে।
এই যুটীয়া অভিযানৰ সময়ত এগৰাকী মহিলা সৰবৰাহকাৰীৰ পৰা ৫৫.৮০ কিলোগ্ৰাম মেথাম্ফেটামিন টেবলেট জব্দ কৰা হয়।
অভিযানকাৰী দলটোৱে লাভ কৰা তথ্যৰ আধাৰত গাওঁখনত এখন বাহন আটক কৰি বৃহৎ পৰিমাণৰ ড্ৰাগছখিনি উদ্ধাৰ কৰে।
মুঠ ১৬৭.৮৬ কোটি টকা মূল্যৰ এই নিষিদ্ধ দ্ৰব্যখিনি বাহনখনৰ বিভিন্ন কম্পাৰ্টমেণ্টত লুকুৱাই অনা হৈছিল বুলি বিষয়াগৰাকীয়ে লগতে কয়।
বিষয়াগৰাকীয়ে লগতে উল্লেখ কৰা মতে মিজোৰামত বৰ্তমানলৈকে হোৱা অভিযানৰ ভিতৰত এইবাৰেই আটাইতকৈ বৃহৎ পৰিমাণৰ ড্ৰাগছ উদ্ধাৰ হৈছে।
যোৱা তিনি বছৰত অসম ৰাইফলছে ৰাজ্যখনত ২০০ কোটি টকাৰ অধিক মূল্যৰ ড্ৰাগছ জব্দ কৰিছে বুলি বিষয়াগৰাকীয়ে লগতে কয়।
You may also like
২০২৬ চনত কাৰ্যকৰী নহ’ব নেকি ৮ম দৰমহা আয়োগ? বাজেটে দিলে হতাশাৰ ইংগিত
২০২৬ চনৰ বাজেটত অষ্টম দৰমহা আয়োগৰ বাবে কেন্দ্ৰীয় চৰকাৰৰ কৰ্মচাৰী সকলৰ বহু আশা আছিল। কিন্তু বিত্তমন্ত্ৰীয়ে পোনপটীয়াকৈ এইটো ঘোষণা কৰা নাই। প্ৰতিবেদন…
নিস্ফল পাক-ভাৰত বৈঠক! পাঁচদিন ধৰি পাকসেনাৰ হাতত বন্দী হৈ আছে ভাৰতীয় সেনা জোৱান
৯০ ঘণ্টাৰ ভিতৰত তিনিখনকৈ বৈঠক অনুষ্ঠিত হোৱাৰ পিছতো পাকিস্তানে মুকলি কৰি দিয়া নাই বিএছএফৰ সেনা জোৱানক। বি এছ এফৰ জোৱান পূৰ্ণম কুমাৰ…
মাত্ৰাধিক কৰ্মব্যস্ততা আৰু অনিয়মীয়া খাদ্যাভ্যাসৰ কুফল; মহানগৰীৰ অধিকাংশ সাংবাদিক মধুমেহ, থাইৰয়ড আদি ৰোগত আক্ৰান্ত
মুখ্য মন্ত্ৰীৰ বিনামূলীয়া ৰোগ নিৰ্ণায়ক সেৱাৰ অধীনত এম এম চি হাস্পাতালৰ উদ্যোগত অলপতে গুৱাহাটী প্ৰেছ ক্লাবত চলোৱা এক সমীক্ষাত মহানগৰীৰ প্ৰায় এক…
অখিল গগৈ, ধৈৰ্য কোঁৱৰ, বিতু সোণোৱাল আৰু মানস কোঁৱৰৰ মুক্তিৰ দাবীত কৃষক মুক্তি-ছাত্ৰ মুক্তিৰ ৰাজ্যজোৰা মানৱ শৃংখল
অখিল গগৈ সহ চাৰিজন কৃষক মুক্তি-ছাত্ৰ মুক্তিৰ নেতাৰ কাৰাবন্দীত্বৰ আজি ৬ মাহ সম্পূৰ্ন হ’ল। আজি সুদীৰ্ঘ ৬ টা মাহৰ পিছতো অখিল গগৈসহ…