কাছাৰত জব্দ ১০ কোটি টকাৰ ড্ৰাগছঃ ৫ জনক গ্ৰেপ্তাৰ
ৰাজ্যত অব্যাহত আছে ড্ৰাগছ বিৰোধী অভিযান। এনে এক সফল অভিযানত আজি কাছাৰ জিলাত জব্দ হৈছে বৃ্হৎ পৰিমাণৰ ড্ৰাগছ।
অসম আৰক্ষী আৰু সীমান্ত সুৰক্ষা বাহিনী (BSF)ৰ এটা যুটীয়া দলে নিৰ্দিষ্ট সূত্ৰৰ ভিত্তিত কাছাৰ জিলাত জব্দ কৰে ড্ৰাগছখিনি।
আন্তঃৰাষ্ট্ৰীয় ক’লা বজাৰত জব্দকৃত ড্ৰাগছখিনিৰ মূল্য আনুমানিক ১০ কোটি টকা হ’ব বুলি আৰক্ষীয়ে জানিবলৈ দিয়ে।
জব্দকৃত ড্ৰাগছখিনিক য়াবা টেবলেট বুলি চিনাক্ত কৰা হৈছে। চুবুৰীয়া ৰাজ্যৰ পৰা অসমত প্ৰৱেশ কৰা এখন বাহন তালাচী চলাই জব্দ কৰা হয় নিচাজাতীয় সামগ্ৰীখিনি।
অভিযানকাৰী অসম আৰক্ষী আৰু সীমান্ত সুৰক্ষা বাহিনী (BSF)ৰ যুটীয়া দলটোৱে কাছাৰ জিলাৰ শিলচৰৰ চলচাপৰা অঞ্চলৰ পৰা জব্দ কৰে ড্ৰাগছখিনি।
এই ড্ৰাগছ সৰবৰাহত জড়িত ৫ জন লোকক অভিযানকাৰী দলটোৱে গ্ৰেপ্তাৰ কৰিছে। এই সন্দৰ্ভত অধিক তদন্ত অব্যাহত আছে বুলি জানিবলৈ দিছে আৰক্ষীয়ে।
ৰাজ্যৰ মুখ্যমন্ত্ৰী হিমন্ত বিশ্ব শৰ্মাই সামাজিক মাধ্যমত এই বিষয়ে সদৰী কৰি এই অভিযানৰ বাবে অসম আৰক্ষীক অভিনন্দন জনায়।
You may also like
উদয়ীমান ছবি পৰিচালক মহৰ্ষি তুহিন কাশ্যপৰ সৈতে অলপ আলাপ
নামটি ন-কৈ পৰিচিত কৰোৱাৰ নিশ্চয়কৈ প্ৰয়োজন নাই। মহৰ্ষি তুহিন কাশ্যপ চিনেমাৰ চিত্ৰনাট্য লিখা, পৰিচালনা কৰাৰ লগতেই নাটকৰ সৈতেও জড়িত এটি অসমবাসীৰ বাবে…
এছ বি এল এনাৰ্জী লিমিটেডৰ কাৰখানাত ভয়ংকৰ বিস্ফোৰণ: ১৮ জনৰ মৃত্যু, নিৰাপত্তাজনিত ত্ৰুটিৰ অভিযোগ
মহাৰাষ্ট্ৰৰ নাগপুৰ জিলাৰ এটা কাৰখানাত এক ভয়াবহ দুৰ্ঘটনা সংঘটিত হৈছে। জিলাখনৰ কাটোল তহচিলৰ ৰাউলগাঁৱত অৱস্থিত ‘এছ বি এল এনাৰ্জী লিমিটেড’ নামৰ বিস্ফোৰক…
মেঘালয়ত চামিল হ’বলৈ মন মেলিছে অসমৰে এখন গাঁৱৰ বাসিন্দাই
গোৱালপাৰা জিলাৰ দুধনৈ বিধান সভা সমষ্টিৰ অন্তৰ্গত সীমান্তৱৰ্তী মেন্দিপথাৰ অঞ্চলটো এটা উল্লেখযোগ্য ব্যৱসায়ী কেন্দ্ৰ হিচাবে পৰিচিত হোৱাৰ পিছতো চৰকাৰী সা-সুবিধাৰ পৰা বঞ্চিত…
‘জোৰ-জুলুম নকৰিব’! প্ৰধানমন্ত্ৰীলৈ পত্ৰ প্ৰেৰণ কৰি কাশ্মীৰী পণ্ডিতৰ পৰ্যাপ্ত নিৰাপত্তা ব্যৱস্থাৰ আহ্বান ৰাহুল গান্ধীৰ
যোৱা ৩০ জানুৱাৰীত জম্মু-কাশ্মীৰৰ শ্ৰীনগৰত সামৰণি পৰিল ৰাহুল গান্ধীৰ নেতৃত্বত আৰম্ভ কৰা ভাৰত জোড়ো যাত্ৰা। যাত্ৰাৰ বাবে শ্ৰীনগৰত উপস্থিত হোৱাৰ সময়তে স্থানীয়…