শিক্ষা মন্ত্ৰালয়ৰ প্ৰতীকপটলৈ গণৰাজ্য দিৱস পেৰেডৰ শ্ৰেষ্ঠ প্ৰতীকপটৰ বঁটা
গণতন্ত্ৰ দিৱসৰ কুচকাৱাজত অংশগ্ৰহণ কৰা শিক্ষা মন্ত্ৰালয়ৰ প্ৰতীকপটে মন্ত্ৰালয় আৰু বিভাগ শ্ৰেণীৰ অধীনত শ্ৰেষ্ঠ প্ৰতীকপট বঁটা লাভ কৰিছে।
শিক্ষা মন্ত্ৰালয়ৰ প্ৰতীকপটৰ দ্বাৰা ৭৩ সংখ্যক গণতন্ত্ৰ দিৱসৰ কুচকাৱাজৰ সময়ত “বেদাচ টু মেটাভাৰ্চ” শীৰ্ষক বিষয়বস্তুৰ জৰিয়তে নতুন ৰাষ্ট্ৰীয় শিক্ষা নীতিৰ (এনইপি) গুৰুত্বপূৰ্ণ দিশবোৰ প্ৰদৰ্শন কৰা হৈছিল।
কেন্দ্ৰীয় শিক্ষা মন্ত্ৰী ধৰ্মেন্দ্ৰ প্ৰধানে টুইটাৰ যোগে বিজয়ী সকলক অভিনন্দন জনাই কয়: “গণতন্ত্ৰ দিৱস পেৰেড ২০২২ত প্ৰতিযোগিতামূলক প্ৰেজেণ্টেচনৰ সকলো বিজয়ীক অভিনন্দন!”
মন্ত্ৰীগৰাকীয়ে লগতে কয়: “ভাৰতৰ শিক্ষা মন্ত্ৰালয়ে কেন্দ্ৰীয় মন্ত্ৰালয়-বিভাগ শাখাত শ্ৰেষ্ঠ প্ৰতীকপট বঁটা লাভ কৰা দেখি বিশেষভাৱে আনন্দিত হৈছো।”
Congratulations to all the winners of the competitive presentation in the Republic Day Parade 2022!
Specially delighted to see the @EduMinOfIndia tableau winning the best tableau award in the Central Ministries/Deptts. category. pic.twitter.com/4vyQPGFm8E
— Dharmendra Pradhan (@dpradhanbjp) February 4, 2022
উল্লেখ্য যে প্ৰতীকপটৰ সন্মুখৰ অংশত বেদৰ পৰা আৰম্ভ কৰি শিক্ষাৰ ক্ষেত্ৰত দেশৰ গৌৰৱময় অতীত, শিক্ষাৰ গুৰুকুল ব্যৱস্থা আৰু নালন্দাৰ দৰে প্ৰাচীন বিশ্ববিদ্যালয়ৰ ছবি দেখুওৱা হৈছিল।
আনহাতে পিছফালৰ অংশটোত উদ্ভাৱন আৰু সৃজনশীলতাৰ প্ৰতীক হিচাপে এক উজ্জ্বল বাল্বযুক্ত মগজুৰ দৰে গাঁথনিৰ দৃশ্য দেখিবলৈ পোৱা গৈছিল।
বিভিন্ন বয়সৰ শিক্ষাৰ্থীসকলে প্ৰতীকপটৰ সৈতে দক্ষতা বিকাশ, আনন্দদায়ক শিক্ষণ আৰু বৰ্ধিত বাস্তৱতা আৰু ভাৰ্চুৱেল বাস্তৱতাৰ দৰে শেহতীয়া প্ৰযুক্তিৰ ওপৰত গুৰুত্ব আৰোপ কৰিছিল।
প্ৰতীকপটৰ ওপৰত ডিজিটেল কিতাপ এখনৰ এল.ই.ডি. স্ক্ৰীণত থকা ভিডিঅ’টোত বহুমুখী শিক্ষা, গৱেষণা আৰু উদ্ভাৱন, ষ্টাৰ্টআপ, ৰবটিক্স আৰু মেটাভাৰ্চ দৃশ্যমান হৈছিল।
প্ৰাচীন কালৰ পৰা আধুনিক যুগলৈকে শিক্ষাবিদ আৰু বিজ্ঞানীসকলৰ ছবিও প্ৰতীকপটৰ দুয়োফালে দেখা গৈছিল।