ধৰ্ষণত অভিযুক্ত বিজেপি বিধায়কৰ মূৰলৈ নিক্ষেপ কৰিলে কণী! তাৰপাছত…

কৰ্ণাটকৰ বিজেপি বিধায়কৰ মূৰলৈ নিক্ষেপ কৰিলে কণী। অভিযোগ কংগ্ৰেছৰ বিৰুদ্ধে। ৰাজ্যৰ প্ৰাক্তন মন্ত্ৰী তথা বিধায়ক মুনীৰত্নৰক বুধবাৰে ৰাইজৰ পৰা কণী নিক্ষেপ কৰা হয়। প্ৰাক্তন প্ৰধানমন্ত্ৰী অটল বিহাৰী বাজপেয়ীৰ জন্ম শতবাৰ্ষিকী উদযাপনত বিধায়কগৰাকীয়ে অংশগ্ৰহণ কৰাৰ সময়ত লক্ষ্মীদেৱী নগৰ অঞ্চলত সংঘটিত এই ঘটনাই তীব্ৰ চাঞ্চল্যৰ সৃষ্টি কৰিছে।

কংগ্ৰেছ কৰ্মীয়ে প্ৰাক্তন মন্ত্ৰীগৰাকীক কণী নিক্ষেপ কৰা বুলি অভিযোগ উত্থাপন কৰে বিজেপিয়ে। ইতিমধ্যে নেট জগতত ভাইৰেল হৈ পৰিছে কণী নিক্ষেপৰ দৃশ্য। যাৰ বিষয়ে বহু ব্যক্তিৰ মতামত বেলেগ বেলেগ। বাজপেয়ীক শ্ৰদ্ধাঞ্জলি জনাই তেওঁ নিজৰ গাড়ীৰ ফালে গৈ থাকোঁতে হঠাতে এটা উৰি অহা কণী মূৰত পৰে।

মূৰত কণী ভাঙিলত মূৰটো জ্বলিবলৈ ধৰে বুলি অভিযোগ কৰে বিধায়কগৰাকীয়ে। তেওঁক ৭ কিলোমিটাৰ নিলগৰ মলেশ্বৰমৰ সমীপৰ চিকিৎসালয়লৈ লৈ যোৱা হয়। সূত্ৰ অনুসৰি তেওঁক মাজনিশালৈ চিকিৎসালয়ত ভৰ্তি কৰোৱা হৈছিল। চিকিৎসকে ক’লে যে একো হোৱা নাই। কোনো ধৰণৰ দাগ দেখা পোৱা নগ’ল।

ঘটনাৰ লগত জড়িত থকাৰ সন্দেহত তিনিজন লোকক গ্ৰেপ্তাৰ কৰে আৰক্ষীয়ে। উল্লেখযোগ্য যে কিছুদিন পূৰ্বে বিধায়কগৰাকীক ধৰ্ষণ আৰু এগৰাকী মহিলাৰ সৈতে যৌন সম্পৰ্কৰ অভিযোগত গ্ৰেপ্তাৰ কৰা হৈছিল। জামিনত মুকলি হোৱাৰ পাছত এইটোৱেই আছিল তেওঁৰ প্ৰথম ৰাজহুৱা উপস্থিতি।